Kichik Ferdinand Markos Filippin prezidenti sifatida qasamyod qildi. U 30-iyun kuni prezidentlik qasamyodini qabul qilib, rasman Rodrigo Dutertening o‘rnini egalladi.
Dutertening qizi Sara Duterte vitse-prezident lavozimini egalladi.
Davlatining yangi rahbari, Filippinni 1965-yildan 1986-yilgacha boshqargan diktator Ferdinand Markosning o‘g‘li. Uning otasi Ferdinand Markos hukumatdan ag‘darilgan va surgunda vafot etgan.
“Bongbong” laqabli 64 yoshli kichik Markos may oyida bo‘lib o‘tgan saylovda 31 milliondan ortiq saylovchi bilan ko‘pchilik ovozlarni qo‘lga kiritgan edi. U o‘z siyosatining ustuvor yo‘nalishlari sifatida pandemiyadan keyin respublikani tiklash va filippinliklarning hayot sifatini yaxshilashni belgilagan.
Ayrim siyosiy tahlilchilar va huquq himoyachilarining fikricha, yangi prezident o‘zidan oldingi prezidentdan ham qattiqroq avtoritar yo‘l tutadi.
Kichik Ferdinand Markos 1986-yilda Filippindagi harbiy to‘ntarishdan so‘ng ota-onasi bilan mamlakatni tark etgan, biroq 1991-yilda qaytib kelgan va uzoq yillar davomida mamlakat Kongressi a’zosi bo‘lgan. U avvalroq otasi haqida ijobiy fikrlarni bildirib, uni “ajoyib” davlat arbobi deb atagan edi.
Izoh (0)