Туркия президенти Ражаб Тоййиб Эрдўғон ҳарбий ҳаракатлар оқибатида яраланганлар учун гуманитар йўлак очишга тайёрлигини маълум қилди. Бу ҳақда у 11 январь куни Омбудсманларнинг халқаро конференциясида гапирди, деб хабар бермоқда Hurriyet.
Гап дунёнинг турли давлатларидан, жумладан, Украинадан ярадорларни Туркияга олиб келиш ҳақида кетмоқда. Туркия Ташқи ишлар вазирлиги вакили Мартин Шефер махсус гуманитар йўлак очишни таклиф қилди, Эрдўғон эса бу ташаббусни қўллаб-қувватлади.
«Биз бунга тайёрмиз. Нафақат Украина ва Россиядан, балки Сурия, Озарбайжон, Ливиядан ҳам ярадорларни шифохоналарга етказамиз, уларни даволаб, уйларига қайтарамиз. Келгусида ҳам буни давом эттирамиз», — деди Ражаб Тоййиб Эрдўғон.
Ҳозирда Украинанинг Россия асирлигидан озод қилинган беш нафар «азовчи» командири Туркияда бўлиб турибди. Украина президенти Владимир Зеленскийнинг сўзларига кўра, улар уруш тугагунча ўша ерда қолишади.
Изоҳ (0)