Turkiya prezidenti Rajab Toyyib Erdo‘g‘on harbiy harakatlar oqibatida yaralanganlar uchun gumanitar yo‘lak ochishga tayyorligini ma’lum qildi. Bu haqda u 11-yanvar kuni Ombudsmanlarning xalqaro konferensiyasida gapirdi, deb xabar bermoqda Hurriyet.
Gap dunyoning turli davlatlaridan, jumladan, Ukrainadan yaradorlarni Turkiyaga olib kelish haqida ketmoqda. Turkiya Tashqi ishlar vazirligi vakili Martin Shefer maxsus gumanitar yo‘lak ochishni taklif qildi, Erdo‘g‘on esa bu tashabbusni qo‘llab-quvvatladi.
“Biz bunga tayyormiz. Nafaqat Ukraina va Rossiyadan, balki Suriya, Ozarbayjon, Liviyadan ham yaradorlarni shifoxonalarga yetkazamiz, ularni davolab, uylariga qaytaramiz. Kelgusida ham buni davom ettiramiz”, — dedi Rajab Toyyib Erdo‘g‘on.
Hozirda Ukrainaning Rossiya asirligidan ozod qilingan besh nafar “azovchi” komandiri Turkiyada bo‘lib turibdi. Ukraina prezidenti Vladimir Zelenskiyning so‘zlariga ko‘ra, ular urush tugaguncha o‘sha yerda qolishadi.
Izoh (0)