Ҳамёнбоп маҳсулотлардан тайёрланадиган пирог оиланинг барча аъзоларига манзур келиши шубҳасиз. Қолаверса, пирог учун кўп вақт сарфлаш шарт эмас, деб ёзади «Профил».
Керакли маҳсулотлар:
- сут — 120 мл;
- қуруқ хамиртуруш — 4 грамм;
- шакар — 45 грамм;
- сариёғ — 85 грамм;
- тухум — 2 дона;
- ваниль шакар — 1 чой қошиқ;
- туз — 1/3 чой қошиқ;
- ун — 340 грамм;
- сариёғ — 75 грамм;
- шакар — 110 грамм;
- қаймоқ 20 фозли — 180 мл.
- Аввал хамир тайёрланади. Сут 35 даражага қадар қиздирилади.
- Бир ош қошиқ шакар ва хамиртуруш қўшилади. Аралаштирилади ва сочиқ билан ёпилиб, 30 дақиқага қолдирилади.
- Пирог хамири учун сариёғ майда бўлакларга кесиб олинади ва хона ҳароратида 30 дақиқага қолдирилади. Тухум, шакар, ваниль шакар ва туз билан кўпиртирилади.
- Юмшаган сариёғ миксер билан аралаштирилади, аста-секин тухум аралашмаси қўшилади. Бир ҳил масса ҳосил бўлгунча аралаштирилади.
- Хамиртурушли сут қўшилади ва аралаштирилади.
- Ун элакдан ўтказилади. Яхшилаб хамир қорилади.
- Идишнинг юқори қисми ёпишқоқ плёнка билан ёпилади ва бир соат давомида илиқ жойда қолдирилади.
- Сариёғ бир пиёла ичига солинади ва шакар билан аралаштирилади, сўнгра музлаткичга қўйилади.
- Хамир қолипга солинади ва плёнка билан ёпилиб, 30 дақиқа давомида илиқ жойда қолдирилади.
- Кейин плёнка олиб ташланади ва устида бир нечта кичик чуқурчалар ҳосил қилинади.
- Печ 180 даражага қиздирилади. Пирог юзасига сариёғ ва шакарли аралашма суртилади.
- Тахминан 25 дақиқа давомида пиширилади. Кейин пирог устига қаймоқ қуйиб, яна 10 дақиқа пиширилади. Юзаси қизаргандан кейин печдан олинади.
Изоҳ (0)