Япониянинг Нара префектураси прокуратураси мамлакат собиқ бош вазир Синдзо Абэни ўлдиришда айбланаётган Япония ўз-ўзини ҳимоя қилиш кучларининг 42 ёшли собиқ денгизчиси Тецуя Ямагамини ақли расо деб топди, қарор психиатрик экспертизадан сўнг қабул қилинди. Бу ҳақда терговга яқин манбаларга таяниб, TBS телеканали хабар берди.
Гумонланувчи яқин кунларда ёпиқ тиббий муассасадан Нара шаҳар полицияси қамоқхонасига ўтказилади, дея аниқлик киритди телеканал.
Синдзо Абэ 2006–2007 ва 2012–2020 йилларда Япония бош вазири бўлган. 2022 йил 8 июль куни Абе Нара шаҳрида Либерал-демократик партияни қўллаб-қувватлаш учун нутқ сўзлаётганида Ямагами унга икки марта ўқ узган.
Абе кўкрак ва бўйнидан яраланган. Собиқ бош вазир зудлик билан касалхонага ётқизилди, аммо уни сақлаб қолишнинг иложи бўлмади. Ямагами ҳибсга олинди ва психиатрик текширувга юборилди.
Ямагами қотилликдаги айбини тан олди. Ҳибсга олинган шахс ўз ҳаракатини Абе сиёсатидан норозилиги билан изоҳлаган. Кейинчалик у Абени қандайдир гуруҳга алоқадор деб ҳисоблаганини тушунтирди. Ямагами онаси ўша гуруҳга пул хайрия қилганидан кейин уларнинг оиласидаги муносабатлар ёмонлашганини айтди. Kyodo агентлигининг ёзишича, гап Ямагамининг онаси 100 миллион иен (720 минг доллар) хайрия қилган «Бирлашиш черкови» сектаси ҳақида кетмоқда.
Изоҳ (0)