Yaponiya sobiq bosh vaziri Sindzo Abe kasalxonada vafot etdi. U 67 yoshda edi.
Eslatib o‘tamiz, bugun, 8-iyul kuni Nara shahrida Yaponiya sobiq bosh vaziri Sindzo Abega suiqasd uyushtirildi, unga qarata o‘q uzilgan. Sobiq bosh vazirning yuragi to‘xtab qolgan, u vertolyotda kasalxonaga olib borilgan.
Sindzo Abega o‘q uzgan shaxs Yaponiya O‘z-o‘zini mudofaa qilish kuchlari sobiq dengizchisi bo‘lib chiqdi. Bu Abe nutq so‘zlagan Nara shahrida yashovchi 41 yoshli Tetsuya Yamagamidir. U qo‘lbola quroldan foydalangan.
Yamagami sobiq bosh vazirga qarata bir necha marta o‘q uzganidan keyin darhol qo‘lga olingandi. Ayni paytda u politsiya tomonidan so‘roq qilinmoqda.
Izoh (0)