Озиқ-овқат маҳсулотларини тўғри сақлаш улардан узоқ вақт давомида фойдаланиш имкониятини беради. «Новий очаг» нашри бу борада ёрдам берадиган лайфхаклар билан бўлишди.
Лимон
Лимон сувда узоқроқ сақланади. Уларни яхшилаб ювиб ташлаб, кейин бир-бирига маҳкам босилмаслиги учун кенгроқ ва каттароқ шиша идишга жойланади, сув билан тўлдирилиб, қопқоғи ёпилади ва музлаткичга қўйилади.
Картошка
Картошка униб чиқмаслиги ва узоқроқ туриши учун олма билан бирга сақланиши керак.
Авокадо
Пишмаган авокадолар юпқа қоғоз ёки газетага ўралади ва хона ҳароратида сақланади. Агар авокадо пишган бўлса, уни музлаткичда ёпиқ пакетда сақлаш мумкин.
Банан
Паст ҳарорат ва музлаткичда сақланган банан тезда қораяди ва таъмини йўқотади. Аммо унинг дастасини озиқ-овқат плёнкаси ёки фольга билан ўраб, музлаткичга қўйилса, улар бир ҳафтадан кўпроқ вақт давомида яхши ҳолатда сақланади.
Пиёз ва картошка
Таомга биргаликда солинса, албатта, ажойиб таъм ҳосил қилади. Аммо улар биргаликда сақланса, пиёз кўп ўтмай униб чиқади.
Брокколи ва гулкарам
Бу сабзавотлар сувни яхши кўради. Уларни узоқроқ сақлаш керак бўлса, илдиз қисми сувга солиниб, юқориси очиқ ҳолатда қолдирилади. Сўнгра сувни тез-тез янгилаб туриш лозим.
Помидор
Биринчидан, помидор музлаткичда ўз таъмини йўқотади. Иккинчидан, унинг паст қисмини юқорига қаратиб сақлаш керак.
Тўғралган сабзавотлар
Агар овқат учун тўғралган сабзавотлар ортиб қолган бўлса, уларни сув солинган шиша идишларда кўпроқ муддат давомида сақлаш мумкин.
Салат барги
Энг яхши вариант — қуруқ пакет ёки озиқ-овқат плёнкаси билан ёпилган идиш.
Изоҳ (0)