Дазмол қилиш зерикарли жараён бўлгани учун ҳам кўпчилик буни ёқтирмайди. Лекин тўсатдан дазмол бузилиб қолиши ёки саёҳатда керак бўлиши мумкин. Шундай вақтда дазмолсиз ҳам кийимларни текислашнинг бир нечта усуллари қўл келади, деб ёзади «Новий очаг».
Соч дазмоли кўйлак ёқасини мукаммал текислайди
Масалан, кийимнинг ёқаси, енги ёки қўли чамадонда ғижимланса, соч дазмоли билан керакли ҳудудни мукаммал тарзда текислаш мумкин. Албатта, соч дазмолидан фойдаланишдан аввал ундаги лак ёки бошқа турмка воситаларини артиб олиш зарур.
Иссиқ идишлар ҳам дазмол ўрнини босади
Катта зангламайдиган кострюлкалар кийимларни тезда дазмоллашнинг энг қадимги усулларидан биридир. У оловда қиздириб олинади ва куйдирмайдиган даражада совигандан кейин кийимнинг ғижим қисмига босиш кифоя.
Кийимларни матрас билан дазмоллаш
Кийимларни бир текисда ёйиб, матрас остига қўйиш уларни ғижимланиб кетишининг олдини олади. Масалан, тунда бу иш амалга оширилса, тонггача кийим текис ҳолатга келади.
Кийимларни сирка билан қандай дазмоллаш мумкин?
Оддий ошхона сиркаси ғижимланган кийимларни текислашга қодир. У сув билан 3:1 нисбатда аралаштирилади ва сепиладиган идишга қуйилади. Сўнгра кийимга сепилади ва тоза ҳавода қуритилади. Бу усул кийимдаги ёқимсиз ҳидларни кетказади ва матога зарар бермайди, сирка ҳиди жуда тез йўқолади. Сирка ёрдамида пардаларни ҳам дазмолсиз текишлаш мумкин.
Нам сочиқ билан кийимларни текисланг
Дазмол керак эмас. Свитерни нам сочиқ билан дазмоллаш мумкин.Буюм текис юзага қўйилади, нам ва яхши сиқилган сочиқ билан ёпилади, ғижимланган жойларни текисланиб, пастга босилади.
Душ ёрдамида дазмоллаш
Душ қабул қилаётганда кийимни ҳаммомдаги илгичга осиб қўйиш ва эшикни ёпиш керак. 10 дақиқадан сўнг ҳамммомдаги буғ ғижимларни текислайди. Бу энг қулай усул бўлиб, иссиқ буғ расмий либосларни ҳам дазмолсиз текислашга ёрдам беради.
Чойнак билан дазмоллаш мумкинми?
Қайнаётган чойнакдан буғ чиқаётган вақтда унга кийини тутиб туриш кифоя. Албатта, бундай вақтда уйни буғга тўлдириш шарт эмас. Шунчаки, чойнакнинг буғ чиқадиган қисмидан фойдаланиш мумкин.
Фен билан дазмоллаш
Севимли кийимни фен билан осонгина дазмоллаш мумкин. Кийимни сув билан озгина намлаш, фендан иссиқ ҳавони унга йўналтириш кифоя. Шу тарзда нафис кийимларни ҳам дазмоллаш осон кечади.
Кир машинасида дазмоллаш мумкин
Қуритиш функциясига эга кир ювиш машиналарининг яна бир афзаллиги шундаки, ундан нафақат тоза ва қуруқ кийимларни, балки деярли дазмолланганларни ҳам олиш мумкин. Барабанга кийимлар қўйилади ва қуритгич 10-15 дақиқага ёқилади. Бундай вақтда бир нечта муз бўлакларини ҳам қўшиш мумкин. Қуритиш пайтида у буғланади ва шу билан кийимлар текисланади.
Изоҳ (0)