Россия Қрим ҳудудида қуруқлик, ҳаво ва денгиздаги ядровий қурол ташувчиларни жойлаштирди, Владимир Путин ярим орол ҳудудини Украинага қарши ядровий провокациялар учун трамплин деб ҳисоблайди. Бу ҳақда Украина Мудофаа вазирлиги разведка бош бошқармаси вакили Андрей Юсов маълум қилди.
Украина Мудофаа вазирлиги Қрим ва Беларусдан ядровий провокация хавфини истисно қилмайди, вазият разведка томонидан кузатилмоқда. Шунинг учун бу борада тасодифан кутилмалар бўлмаслиги таъкидланган.
«Ядровий таҳдид Россия ва Путин режимини якуний нуқтага олиб келади. Маълумотларга кўра, босиб олинган Қрим ҳам, Беларусь ҳам Путин томонидан ядровий провокациялар учун кўриб чиқилмоқда», — деди Юсов.
Путиннинг 2023 йилдаги ҳарбий-сиёсий мақсадларига баҳо берар экан, Юсов, биринчи навбатда, Луганск ва Донецк вилоятларининг бутун ҳудудини босиб олиш, шунингдек, Қрим қуруқлик йўлагини сақлаб қолиш эканини айтди.
«Ушбу вазифаларни амалга ошириш учун Россия мудофаа кучларини бошқа йўналишларда, шу жумладан Беларусдан провокациялар билан чалғитиши мумкин», — дейди разведкачи.
Россия босиб олинган ҳудудларни сақлаб қолиш учун Қрим шимолига янги ҳарбий қисмлар жойлаштирмоқда. Украина разведкаси Россия Қрим йўналишидаги қуруқлик йўлагини сақлаб қолиш учун барча саъй-ҳаракатларини амалга ошираётганини айтган. Россия ярим оролда қуруқлик, ҳаво ва денгиздаги ядровий қурол ташувчиларни сақламоқда. Унинг сўзларига кўра, Россия ҳарбийлари Краснокаменка посёлкасидаги «Феодосия-13» иншоотида ядро қуролини сақлашга тайёрлаш мақсадида маълум ишларни амалга оширган, бироқ ҳозирча бу якунлангани маълум эмас.
Изоҳ (0)