НАТОнинг собиқ бош котиби Андерс Фог Расмуссеннинг айтишича, Украинада Россияни мағлуб этиш Хитойнинг Тайванга эҳтимолий ҳужумини тўхтатади. Бу ҳақда Newsweek хабар бермоқда.
Фог Расмуссеннинг таъкидлашича, агар Россия босиб олинган Украина ҳудудларида ўрнашиб олса, у «энг хавфли ўрнакка айланади ва дунёдаги барча диктаторларга ҳарбий агрессия самарали, деган сигнални беради».
Сиёсатчининг таъкидлашича, Ғарб Владимир Путин билан муносабатларда қилган хатоларини Хитой билан такрорламаслиги керак.
Сўнгги пайтларда Хитой ҳарбий-ҳаво кучларининг самолётлари Тайван бўғозининг ўрта чизиғини кесиб ўтмоқда. Тайван эса бунга жавобан жанговар самолётларни ҳавога кўтаради.
Хитой етакчиси Си Цзиньпин G20 саммитида АҚШ президенти Жо Байден билан икки томонлама учрашувда Тайван масаласини Хитой—АҚШ муносабатларидаги асосий қизил чизиқ деб атаган.
Изоҳ (0)