Парҳез ва тўғри овқатланиш бир хил нарса эмас. Кўпинча фойдали озиқ-овқат таркибида қўшимча калория борлиги хаёлга ҳам келмайди. Аслида организмга зарар етказа олмайдиган кўплаб маҳсулотлар вазн камайтиришга халақит бериши мумкин, деб ёзади Marie Claire.
Бўтқа
Шуни унутмаслик керакки, ёғ, шакар, туз ва сутсиз бўтқа ҳақиқатан ҳам қоматга ҳеч қандай зарар етказа олмайди, лекин сув билан тайёрланадиган сули ёрмасининг, ростини айтганда, таъми умуман маъқул келмаслиги аниқ. Шунинг учун ушбу фойдали маҳсулотга мураббо, қуюлтирилган сут ва бошқа ёқимли элементлар қўшилиб, вазият қийинлаштирилади. Бу қўшимчаларнинг барчаси дастлаб парҳез сифатида ишлаб чиқилган таомга ортиқча калория беради. Маълум бўлишича, бўтқага қўшилган сариёғ ҳам вазн орттириши мумкин. Шунинг учун бўтқани долчин, ваниль, мускат ёнғоғи каби қўшимчалар билан синаб кўриш мумкин. Қолаверса, бироз янги резаворлар ҳам зарар қилмайди.
Ёнғоқлар
Ёнғоқлар энг мазали ва ёқимли газак ҳисобланади, лекин улар ҳақиқатан ҳам фойдалими? Албатта, ёнғоқлардан бутунлай воз кечиб бўлмайди, чунки улар фақат фойдали моддалар омборидир: оқсил, ёғ кислоталари, клетчатка, Э витамини, шунингдек, юрак-қон томир тизими учун зарур бўлган ёғлар. Кўриниб турибдики, табиатнинг бундай мўъжизасида қандай зарар бўлиши мумкин? Аслида, ҳамма нарса жуда оддий: ёнғоқлар сутли шоколаддан кўпроқ калорияни ўз ичига олади. Бундан ташқари, ёнғоқларнинг тахминан 80 фоизи ёғдан иборат. 30 грамм ёнғоқ 200 калорияни ўз ичига олади.
Қуруқ нонушта
Ушбу маҳсулот узоқ вақтдан бери рационда етакчи ўринни эгаллаб келмоқда. Аммо бундай фойдали донлардан ташқари, нонуштада шоколад, майиз ва бошқа юқори калорияли маҳсулотлар мавжуд. Шуни ҳам унутмангки, ишлаб чиқарувчилар кўпинча мюслига шакар ёки унинг ўрнини босувчи моддаларни қўшади, чунки шакарнинг таъми деярли сезилмайди. Аммо бу вазн учун зарарли бўлиши шубҳасиз.
Қора шоколад
Олимлар таъкидлаганидек, қора шоколад идеал қоматга эришиш йўлида ажойиб ёрдамчи, бундан ташқари, у холестерин миқдорини камайтиради, яъни юрак учун фойдали, соч тузилишини яхшилайди, юз терисига ижобий таъсир қилади ва кайфиятни кўтаради. Бироқ мутлақо соғлом маҳсулотнинг ўзи мавжуд эмас, шунинг учун шоколадни ушбу заруратлар билан оқламаслик керак. Биринчидан, шоколад мазали, шунинг учун уни истеъмол қилиш жуда осон, қўшимча равишда унинг таркибида кўп миқдордаги шакар ва ёғ мавжуд. Агар шакар ва ёғ меъёридан ортиқ истеъмол қилинса, нафақат семириб кетиш, балки қандли диабет касаллигига чалиниш хавфи ҳам ортади.
Мева
Мевалар нафақат мазали, балки улар калориясиз, яъни улар парҳез пайтида очликни зарарсиз қондириши мумкин. Аммо калорияси паст бўлса-да, меваларда антиоксидант, витамин ва клетчаткалар кўп бўлиб, вирусли касалликларга чидамлиликни оширишга ёрдам беради. Мевалар ҳам бошқа маҳсулотлар сингари маълум бир хавфга эга. Чунки улар таркибида кўп миқдордаги мева шакарини (фруктоза) ўз ичига олади. Маълум бўлишича, меваларни ҳазм қилиш учун организм инсулин ишлаб чиқариши керак. Албатта, талаб қилинадиган миқдор оддий шакарни қайта ишлашга қараганда анча кичик, аммо барибир бу зарур. Қондаги шакар миқдорининг ўзгариши келажакда турли касалликларнинг ривожланишига ва ҳатто эрта қаришга олиб келадиган ҳужайрали яллиғланишни ҳам юзага келтириши мумкин.
Изоҳ (0)