Аксарият инсонлар сочларнинг бетартиб кўриниши ва бошқа сабаблар юзасидан қиш фаслида бош кийим кийишни ёқтирмайди. Аммо бу шунчаки эътиборсиз қолдириладган ҳолат эмас. Wday нашри совуқ мавсумда қалпоқ киймаслик қандай оқибатларга олиб келиши мумкинлиги ҳақида сўз юритди.

Аслида бош кийими фақат ҳимоя эмас, у кўп функцияларни бажаради.

Бош суяги соҳасидаги тери ости ёғ қатлами жуда нозик бўлиб, бу унинг тезда совқотишига олиб келади. Шу сабабли асаб тизими билан бевосита боғлиқ бўлган терморегуляция тизими қийин ишлайди. Бош терисида триходиния (бош терисидаги оғриқ) кузатилади. Бундан ташқари, у себорея ёки дерматитни кучайтириши мумкин. Ҳатто бу нервларининг яллиғланишига олиб келади.

Паст ҳароратларда томир торайиши пайдо бўлади. Соч фолликуласи қон билан фаол таъминланган жуда нозик орган бўлганлиги сабабли сочлар етарли миқдорда озуқа ололмайди. Бу, ўз навбатида, соч ўсиши фазасининг давомийлигининг қисқаришига олиб келиши мумкин ва кейин соч тўкилиши ва сийраклашиши кузатилади.

Бошнинг гипотермияси бутун иммунитет тизимининг ҳолатига таъсир қилиши мумкин. Иммунитетнинг заифлашиши сурункали касалликларнинг кучайишига олиб келади, дори-дармонлар терапияси сочларга салбий таъсир қилади.

Қишда ёки совуқдан иссиққа ўтиш пайтида намликнинг ўзгариши бош терисини қуришига сабаб бўлади. Бу, ўз навбатида, қазғоқ пайдо бўлишига, бош терисининг қуриши ва кўчишига олиб келиши мумкин. Буларнинг барчаси туфайли сочлар қуруқ, мўрт ва сийрак ҳолатга келиб қолади.

Қишда сочларнинг ҳолатини яхши сақлаб қолиш учун нима қилиш керак?

• бош кийим ҳақида унутмаслк лозим: табиий матолардан тикилган қалпоқларга устунлик бериш яхшидир;
• хонадаги намлик даражасини кузатиб бориш лозим, суюқлик режимига риоя қилиш тавсия этилади;
• сочни парвариш қилиш учун озиқлантирувчи, намловчи шампунлар ва ниқоблар қўллаш лозим.