Ўзбекистонда 20 нафар бола «Док-1 Макс» сиропи қабул қилиши ортидан ўлгани сабабли Ҳиндистоннинг Marion Biotech фармацевтика компанияси уни ишлаб чиқаришни тўхтатди. Бу ҳақда ANI news хабар берди.
Компания раҳбари Ҳасан Ризо «Док-1 Макс» сиропларини ишлаб чиқариш тўхтатилганини таъкидлаб, бу бўйича тергов олиб борилаётганини айтди.
«Вафот этганлар учун афсусдамиз, ҳукумат тергов олиб бормоқда. Унинг натижаларидан келиб чиқиб, тегишли чораларни кўрамиз. Намуналар олинди. Бу маҳсулотни ишлаб чиқариш тўхтатилди, қолган жараёнлар давом этмоқда», — деди Ҳасан Ризо АНИ билан суҳбатда.
Ҳиндистонда ишлаб чиқарилган «Док-1 Макс» сиропини истеъмол қилиш ортидан ҳозирча Самарқандда 18 нафар, Тошкент ва Қашқадарёда бир нафардан, жами 20 нафар бола вафот этгани маълум. Давлат хавфсизлик хизмати томонидан «Док-1 Макс» препарати билан боғлиқ ҳолат юзасидан жиноят иши қўзғатилган.
Изоҳ (0)