Samarqand viloyat bolalar ko‘p tarmoqli tibbiyot markazi direktori Mamatqul Azizov ishdan olingani, u va ishdan olingan yana olti nafar shifokorga asl holat haqida gapiradigan bo‘lsa, tizimdan butunlay chetlashtirilishi, yanada obro‘sizlantirilishi mumkinligi haqida ogohlantirilgani haqida xabar berildi.
Mazkur holatga izoh bergan Samarqand viloyat Sog‘liqni saqlash boshqarmasi axborot xizmati rahbari Eldor Muhammadiyev “bosh shifokor 18 nafar bolaning o‘limiga sabab bo‘lgan sirop haqida xabar bergani ortidan ishdan olinmagan, boshqa sabablar bor”, dedi.
Mas’ulning ma’lumot berishicha, kecha, 28-dekabr kuni u Azizovning o‘rinbosari bilan shu masalada suhbatlashgan, o‘rinbosar bosh shifokor ishda ekanini bildirgan. Bugun o‘zi bosh shifokor bilan bog‘lanib, vaziyat haqida bilishga uringanda buning imkoni bo‘lmagan.
Bilishimcha, bosh shifokor aynan o‘sha holat haqida xabar bergani uchun emas, oldindan yo‘l qo‘yilgan qo‘pol xato-kamchiliklari sabab ishdan olingan. Men ham bunga aniqlik kiritishga urinyapman. Bosh shifokor bilan suhbatlashsam yoki boshqa bir aniq ma’lumotga ega bo‘lsam, vaziyat haqida jamoatchilikni xabardor qilamiz, — deydi Eldor Muhammadiyev.
“Daryo” Sog‘liqni saqlash vazirligi axborot xizmati rahbari Furqat Sanayev bilan ham bog‘lanib, holatga aniqlik kiritishga urindi. Biroq Sanayev har doimgidek qo‘ng‘iroqlarga javob bermadi. Elektron tarzda yuborilgan so‘rovni e’tibordan chetda qoldirdi.
Mavzuga doir:
- Qashqadaryoda “Dok-1 Maks” siropini iste’mol qilgan 1,5 yoshli bola vafot etdi
- “Mazkur ma’lumotni viloyat tibbiyot xodimlari vazirlikdan yashirgan” — Behzod Musayev
- DXX “Dok-1 Maks” preparati bilan bog‘liq holat yuzasidan jinoyat ishi qo‘zg‘atdi
- Sog‘liqni saqlash vazirligi “Dok-1 Maks” preparatini o‘rganish natijalarini e’lon qildi
- Samarqandda “Dok-1 Maks” preparatidan 18 nafar bola vafot etgani ma’lum bo‘ldi
Izoh (0)