Бухоро шаҳри Низомий кўчасида 7 қаватли уй қулаб тушгани ҳақида хабар тарқалди. ФВВ ҳолат юзасидан муносабат билдирди.
Қайд этилишича, манзилга зудлик билан ихтисослашган ташкилотлар мутахассислари етиб борган. Ўрганиш давомида тарқатилган маълумотлар ҳақиқатга тўғри келмаслиги маълум бўлган.
Маълумотга кўра, 27 декабрь куни Ибн Сино кўчасида қурилаётган 7 қаватли уйнинг 7-қавати оралиқ қисмида бўлган 3 дона бетон плита қулаб тушган. Ҳодиса оқибатида тан жароҳати олган ва ҳалок бўлганлар йўқ.
Қурилиш вазирлиги ахборот хизматига кўра, Бухоро шаҳар Баҳоуддин Нақшбанд кўчаси ёқасидаги биринчи қавати савдо ва маиший хизмат кўрсатиш шахобчалари, юқори қаватлари эса турар-жой биноси бўлиши кўзда тутилган объектда қурилишда ишлаб чиқариш технологиясига, хавфсизлик талабларига риоя қилинмаган.
Техник назоратчининг объект қурилиши давомида ўзига юклатилган назорат ишларини вақтида амалга оширмаганлиги, лойиҳа назоратчиси томонидан белгиланган календарь режа-жадвал асосида назорат тадбирларини олиб борилмаганлиги ҳамда белгиланган мустаҳкамликка эга бўлмаган тўсин (ригелга) ортиқча юкланишни берилиши сабабли рама конструкциянинг тўсин (ригел) қисмида бузилиш юзага келган.
Мавзуга доир: Тошкентдаги қурилиш майдонида кран қулаб тушди
Изоҳ (0)