Bel inson organizmining himoya qilinishi kerak bo‘lgan juda zaif qismidir. Uzoq yurish yoki hatto issiq ofis kreslosida o‘tirganda ham uni osongina shamollatib qo‘yish mumkin. Bunday holatda organizmning reaksiyasi juda yoqimsiz. Shuning uchun tezroq tuzalishda nimalarga ahamiyat berish kerakligini bilish muhim, deb yozadi Wday.
Bel shamollashining asosiy belgisi kuchli va yoqimsiz og‘riqdir. Yurish, yotish va o‘tirishda ham og‘riq kuzatiladi. To‘satdan harakatlar qilmaslik lozim. Hatto nafas olishda ham og‘riq paydo bo‘ladi.
Bel og‘rig‘i bilan qanday kurashish kerak?
Vaziyatni yengillashtirish uchun faqat ikkita narsadan foydalanish mumkin:
- Issiqlik: belni issiq ushlab turadigan narsa bilan o‘rash kerak. Buning uchun maxsus belbog‘ va isituvchi malhamlardan foydalanish mumkin.
- Dam olish: iloji boricha kamroq harakat qilish lozim. Yotoq yumshoq emas, balki o‘rtacha darajada qattiq bo‘lishi muhimdir.
Bel shamollaganda qanday davolanadi?
Afsuski, bu yerda faqat bitta yechim bo‘lishi mumkin — dam olish va issiqlik. Xuddi birinchi yordam kabi. Iloji bo‘lsa, eng yaxshi yechim kasallik ta’tilini olish va belni zo‘riqtirmaslik uchun bir necha kun davomida hech narsa qilmaslikdir. Agar dam olish yordam bermasa, shifokor bilan maslahatlashish kerak. Agar og‘riq uzoq vaqt davomida o‘tib ketmasa, shifokor samaraliroq dori-darmonlarni tavsiya qilishi mumkin.
Bel shamollaganda tuzalishga yordam beradigan xalqona usullar
Malham va boshqa kimyoviy moddalar o‘rniga xalq vositalaridan foydalanish ham mumkin. Ularning orasida har qanday, hatto eng kuchli malhamdan ham ko‘proq isitishga qodir bo‘lganlar bor.
Bu borada tuzli kompressga e’tibor berishingiz kerak. Buning uchun dengiz tuzi pechda isitilish kerak. Shundan so‘ng issiq tuz xaltaga solinadi, agar tuz juda issiq bo‘lsa, u bir necha marta sochiq bilan o‘rab olinad va u bel sohasiga qo‘yiladi. Tuz sovishi bilan sochiqning qatlamlari asta-sekin olib tashlanishi kerak.
Massaj ham katta yordam beradi. Issiq hammomni qabul qilgandan so‘ng darhol protseduraga o‘tish kerak. Ammo bu paytda kuchli og‘riqlar bo‘lsa, massaj qilish mumkin emas.
Agar bel shamollagan bo‘lsa, birinchi narsa tashvishlanishni to‘xtatishdir. Bu asosiy vazifadir, chunki og‘riq to‘qimalarning shikastlanishiga yoki yuzaga kelishi mumkin bo‘lgan psixo emotsional reaksiyadir. Miya markazi organizmga harakat qilish juda xavfli ekani haqida ogohlantirish yuboradi, lekin ko‘pincha signal noto‘g‘ri bo‘lib chiqadi. Ko‘pincha bel og‘rig‘i mutaxassislarning aralashuvisiz o‘tib ketadi.
Agar beldagi noqulaylik organizmning boshqa qismlariga, masalan, oyoq, qo‘l va hokazolarga tarqalsa, mutaxassis tomonidan tekshiruv zarur. Bundan tashqari, kechasi simptomlar kuchaysa, dam olish holati bo‘lmasa, umumiy amaliyot shifokori yoki nevrologga murojaat qilish tavsiya etiladi.
Albatta, bel og‘rig‘ida dori-darmonlarni qabul qilish mumkin, ammo jismoniy mashqlar, dam olish va tinchlanish yordamida dori-darmonlarsiz og‘riqdan xalos bo‘lish mumkin.
Ko‘pincha bel og‘rig‘i hayotda biror narsani o‘zgartirish kerakligini ko‘rsatadigan belgidir. Misol uchun bel og‘rig‘i jismoniy faollikni oshirish zarurligini yoki psixo emotsional fonni baholash va tuzatish vaqti kelganini ko‘rsatishi mumkin.
Izoh (0)