Ушбу маҳсулот узоқ вақтдан бери юрак ва мия, соч ва тирноқлар учун фойдали элементларнинг манбаи, шунингдек, рационда ажралмас ёрдамчи ҳисобланади. Аммо аёллар учун бу алоҳида аҳамиятга эга экани маълум бўлди, деб ёзади Marie Claire.
Узоқ ва соғлом ҳаёт — кўпчилик орзу қиладиган нарса ва агар у маълум бир турмуш тарзини ўз ичига олса, иложи борича тезроқ унга риоя қилишни бошлаш керак. Мутахассисларнинг фикрига кўра, битта соғлом одат барча аёллар томонидан ўзлаштирилиши лозим. Бу эса маълум бир тоифадаги маҳсулотларни мунтазам истеъмол қилишга тааллуқлидир.
Ёнғоқ ва уруғлар иккинчи тоифа диабет ва юрак-қон томир касалликлари хавфини камайтириш билан боғлиқ. Ёнғоқни истеъмол қилиш умр кўриш давомийлигини оширишга ёрдам бериши мумкинлиги ҳақидаги назарияни қўллаб-қувватлайди.
Барча маҳсулотлардан ёнғоқ кўпроқ ажралиб туради. Олимлар ёнғоқ кўкрак бези саратони билан оғриган аёлларга ёрдам беришини аниқлади. Marshall университетида ўтказилган тадқиқот шуни кўрсатадики, тахминан икки ҳафта давомида кунига 50 грамм ёнғоқ истеъмол қилиш кўкрак бези саратони ривожланишини секинлаштиради ёки бу касаллик хавфини камайтиради. Саратонга қарши таъсир ўсимта ўсиши ва омон қолиши учун масъул бўлган генларнинг ўзгариши билан боғлиқ.
Америка Саратон тадқиқотлари институти маълумотларига кўра, ёнғоқлар саратонга қарши хусусиятларга эга ва бу барча турларга тегишли, аммо олимлар ёнғоқни бошқа барча турларга қараганда аниқроқ ўрганган. Ёнғоқ таркибида педункулагин деб аталадиган модда мавжуд бўлиб, у организмда уролитинларга айланади. Уролитинлар, ўз навбатида, эстроген рецепторлари билан боғланган ва кўкрак бези саратонининг олдини олишда рол ўйнаши мумкин бўлган бирикмалардир. Ёнғоқ ва унинг ёғида ўсимтани бостирувчи генлар юқори даражада бўлиб, буни ёнғоқ мойи билан озиқланган сичқонларда кўриш мумкин.
Бундан ташқари, ёнғоқ самарали парҳез маҳсулот ҳисобланади. Улар омега-3 ёғ кислоталарига бой, улар ёғларни эритиш жараёнини фаоллаштиради ва уларнинг чўкиши жараёнини секинлаштиради. Ёнғоқни истеъмол қилиш ёмон холестерин (ЛДЛ) даражасини 16 фоизгача камайтириши ва диастолик қон босимини 2-3 ммҲг га тушириши аниқланди. Оксидланиш стресси — бу эркин радикаллар деб аталадиган беқарор молекулалар организмдаги ҳужайраларга зарар етказиш жараёни. Унинг таъсири Альцгеймер ва Паркинсон касаллиги каби бир қатор нейродегенератив ҳолатларга қарши курашда ёрдам бериши мумкин.
Баъзи парҳезшунослар уруғ ва ёнғоқларни истеъмол қилиш организмга тўқлик ҳиссини беради ва ортиқча овқатланиш истагини олдини олади, деб ҳисоблайди. Кўпчилик учун ёнғоқ шоколад ва пишириқлар ўрнини эгаллайди, бу, албатта, шакарга қарамлиликдан қутқаради.
Озиқланишдан ташқари, мунтазам жисмоний фаолият ҳам бир хил даражада муҳим рол ўйнайди. «Катталар ҳар куни жисмоний фаолият билан шуғулланишлари керак. Ҳар қандай фаолият фойдалидир », — дейди Буюк Британия Миллий соғлиқни сақлаш хизмати. Англия қироличаси эса, албатта, ўзининг узоқ умр кўриши билан соғлом режимнинг афзалликларини намойиш этди. Барча инсонлар ҳафтада камида икки кун асосий мушакларни (оёқлар, сонлар, бел, қорин, кўкрак, елка ва қўллар) йўналтирадиган машқлар билан шуғулланишлари керак. Машқ камида ярим соат давом этиши лозим.
Сифатли уйқу ва режимга риоя қилиш ҳам шу даражада муҳимдир. Буларнинг барчаси биргаликда нафақат умр кўриш давомийлигини оширишга, балки касалликсиз ҳаётни узайтиришга ёрдам беради.
Изоҳ (0)