Россия ҳарбийлари 27 декабрь куни Херсондаги касалхонанинг туғруқ бўлимини ўққа тутди. Бу ҳақда Украина Президент девони раҳбари ўринбосари Кирилл Тимошенко хабар берди.
“Бугун 2 нафар бола туғилган жой ўққа тутилди. Ҳужум олдидан шифокорлар кесарча кесишни якунлашга муваффақ бўлди. Мўжизавий равишда, ҳеч ким жабрланмади. Шифокорлар ҳам, беморлар ҳам яширинган”, — дейди Тимошенко.
24 декабрь куни Россия қўшинлари Херсонда, жумладан, иккита тиббиёт муассасасига зарба берган. Херсон вилоят клиник шифохонаси ҳудуди ўққа тутилган. Снарядлар вилоят психиатрик ёрдам кўрсатиш муассасасига ҳам келиб тушган. У ерда шифокор хонаси, томнинг бир қисми ва иситиш тизими вайрон бўлган.
23 декабрда Херсон вилояти Россия ҳарбийлари томонидан ўққа тутилган. ҳужумда болалар боғчаси ҳам нишонга олинган, ҳеч ким жабрланмаган.
Изоҳ (0)