Хитой 2023 йил 8 январдан бошлаб мамлакатга келувчилар учун ПЗР тести топширишни бекор қилади. Мамлакат Бош божхона бошқармаси сайтида бу ҳақда маълум қилинди.
Хабарга кўра, 8 январдан бошлаб Хитой совитилган ва музлатилган озиқ-овқат маҳсулотларини коронавирусга текширишни ҳам тўхтатади. Ҳукумат мамлакат бўйлаб коронавирусга қарши чеклов чораларини юмшатишга қарор қилган. Эндиликда ҳудудий-маъмурий бирликлар томонидан коронавирус тарқалишининг юқори хавфли зоналарини жорий этиш ўрнига, муайян уйлар, бинолар ёки хонадонлар учун чекловлар киритилади.
Бундан ташқари, Хитойга келгандан кейин карантин ўташ ҳам бекор қилинади. Касалликнинг симптомсиз шаклида бемор уйда даволанишни ёки марказлаштирилган карантинни танлаш ҳуқуқига эга.
Таъкидланишича, январь ойидан бошлаб Хитойга келгач, тест топшириш шарт эмас. Бироқ киришдан 48 соат олдинги тест натижаларини тақдим этиш мажбурийдир.
Хитойда касалланишлар сони рекорд ўрнатмоқда, бунинг фонида ковид статистикасини эълон қилиш тўхтатилган. Мамлакатда сўнгги уч ҳафтада 250 миллионга яқин одам коронавирусга чалинган, бир кунда эса 37 миллион кишида коронавирус қайд этилган.
Изоҳ (0)