«Дарё» нашри Ўзбекистон ва жаҳонда содир бўлган энг муҳим воқеаларни эътиборингизга ҳавола этади.
Украинадаги уруш 2023 йилда қандай тус олади? Таҳлиллар билан танишамиз
Украинада низо бошланганига бир йил тўлиши арафасида BBC ҳарбий таҳлилчилар фикрларига асосланиб, уруш 2023 йилда қандай тус олиши борасида ўз прогнозларини эълон қилди.
Нашр қуйидаги бешта вариантни келтириб ўтди:
1-вариант: Украина босиб олинган ҳудудларнинг барчасини баҳор охиригача қайтариб олади. У ҳолда яқин ойларда, балки ҳафталарда Мелитопол асосий жанговар пунктга айланади, шундан кейин Украина қуролли кучлари Азов денгизигача бориб етади ва Қримни Россиядан узиб қўяди.
2-вариант: Россия ҳал қилувчи қарши ҳужумни амалга оширади ва унинг натижаси урушнинг боришида муҳим омилга айланади, бироқ Украина исталган вақтда ўзининг янги ҳужумини бошлаши мумкин;
3-вариант: Жанговар ҳаракатлар секинлашади.Аммо 2023 йил охирига келиб, Қрим тўлиқ Украина назорати остига ўтиши мумкин;
4-вариант: Иккала томон ҳам шиддатли ҳужумларни амалга оширади. Биринчи навбатда Россия бор эътиборини Донбассга қаратади, Украина эса Мелитопол ва Луганск вилоятини қайтаришга уринади;
5-вариант: Уруш чўзилиб кетади ва 2023 йил охиригача тугамайди. Россия ичкарисида ўзгаришлар юз беради. Элита низодан безор бўлиши мумкин. Таҳлилларга кўра АҚШ учун Вьетнам ва СССР учун Афғонистон шундай якун топган эди.
Урушнинг бориши фонида йил якуни мамлакатлар қандай позицияни ўз олдига қўймоқда?
Урушнинг бориши фонида Россия Хавфсизлик кенгаши раиси ўринбосари Дмитрий Медведев Россияни тарк этган фуқароларни мамлакатга киритмасликни ва уларни даромаддан маҳрум қилишни таклиф этди
Айни жараёнда Япония Россиядан нефть импортини қайта йўлга қўймоқда Токио Ғарбнинг Россияга қарши санкцияларига қўшилган, бироқ нефть ва табиий газга нисбатан қаттиқ чоралар кўришдан ўзини тийди. Япония ҳукуматининг таъкидлашича, Сахалин 2 лойиҳаси Японияга суюлтирилган газ етказиб беришнинг асосий манбаи ҳисобланиб истеъмолнинг 9 фоизини қоплайди.
Сўнгги маълумотларга кўра Украинада февралдан буён 702 та муҳим инфратузилма объектларига зарар етган, мамлакат ички ишлар вазири ўринбосари Евгений Енин бунда 24 февралдан бери ҳарбий операция олиб бораётган Россияни айблади.
Украина 27 декабрь куни 2023 йил февраль охирига қадар БМТ доирасида «тинчлик саммити»ни ўтказиш ташаббуси билан чиқди. Воситачи сифатида Киев БМТ бош котиби Антониу Гутерришни кўришни хоҳлайди. Украина ташқи ишлар вазири Дмитрий Кулеба Россия «ҳарбий жиноятлари учун жавобгарликка тортилганидан кейингина» учрашувга таклиф қилиниши мумкинлигини айтди.
Ўзбекистонда расмиятчилик учун ҳимоячи «рол»ини ўйнаб берадиган давлат адвокатлари фаолияти ўзгартирилади
Президент Шавкат Мирзиёев Олий Мажлис ва Ўзбекистон халқига йўллаган мурожаатномасида адвокатура институтини янада ривожлантиришга доир бир қатор ташаббуслар илгари сурилди.Аввало давлат ҳисобидан бепул таъминланадиган адвокатларни «электрон танлаш» тизимини тўлиқ ишга тушириш зарурлиги таъкидланди.
Кўп ҳолларда давлат ҳисобидан ёрдам кўрсатадиган адвокат ишда шунчаки «ҳимоячи роли»ни ўйнаб беради. Ишда расмиятчилик учун иштирок этиб, давлатдан пулини олиб юраверади. Шунинг учун бундай «навбатчи» адвокатлар таниш терговчининг битта чақириғи билан етиб келиб иш ҳужжатларига қўл қўйиб кетади. Натижада бир тарафдан шахснинг ҳуқуқлари ҳимоя қилинмай иккинчи тарафдан давлатнинг пули бекорга сарф бўлади. Эндиликда Судларда жиноят иши фақат айблов хулосаси билан эмас, балки ҳимоячининг фикри билан бирга қабул қилинади.
Айблов хулосаси, жиноят ишининг якуний ҳужжати бўлиб, унда асосан айбланувчининг айбдорлигини тасдиқловчи далиллар, унинг айбини оғирлаштирувчи маълумотлардан иборат бўлади. Аммо айбловни енгиллаштирувчи ҳолатлар бўйича алоҳида ҳужжат тузилмайди. Айбланувчининг ўзини ҳимоя қилиш учун келтирган важлари ва уларни текшириш натижалари ҳам айблов хулосаси ичида келтирилади.
Шу ерда мантиқ ва адолат бузиляпти. Оқловга оид маълумотлар қандай қилиб айблов хулосасида келтирилиши керак? Шу сабабли айблов хулосаси билан бирга, ҳимоячининг оқловга оид фикрини ҳам ҳужжатлаштириб ишни судга юбориш айблов ва қораловнинг тенглигини таъминлайди.
Айни вазиятда айбланувчининг ҳимоячидан воз кечиши бўйича ҳар бир ҳолат прокурор, суд томонидан синчиклаб ўрганиладиган тизим жорий қилиниши назарда тутилмоқда. Баъзи ҳолатларда айбланаётган шахс ташқи босим остида ҳимоясидан гўёки «ўз ихтиёрига» кўра воз кечади.Эндиликда эса айбланувчининг ҳимоячидан нима учун воз кечаётгани, у ўз ихтиёри билан воз кечяптими ёки пули йўқми, унга босим бўлганми, бўлмаганми — буларнинг барчаси прокурор, суд томонидан ўрганилади
Изоҳ (0)