Россия аэродромлардаги портлаш Украина энергетика тизимига ракета зарбалари беришни мураккаблаштириши мумкин. Бу ҳақда The New York Times хабар берди.
Ҳозирча Украинанинг Россиядаги аэродромларга берган зарбалари жиддий оқибатларга олиб келмади. Аммо аэродромдаги самолётларни бошқа жойга кўчиришга ундади, бу эса Россиянинг Украина электр тармоқларига қанотли ракеталар учиришини мураккаблаштириши мумкин.
Таъкидланишича, Россия “Энгелс” аэродромидан Украинага асосан қанотли ракеталар учиради. Аммо аэродромда юз бераётган портлашлар ракеталарни нишонга бормасданоқ ёъқ қилинишига олиб келиши мумкин.
Украиналик ҳарбий эксперт Сергей Грабскийга кўра, украин ҳарбийлари қонуний ҳарбий нишон бўлган аэродромлар, ёқилғи ва ўқ-дорилар омборларига зарба беролади.
“Қримдаги нишонларга ҳужум ва трансчегаравий артиллерия дуэллари одатий ҳолга айланди, сабаби уруш Россия ва вақтинча босиб олинган ярим оролга яқинлашди. Ҳужумга жавоб реакцияси ёъқ. Нега? Чунки русларнинг бунга имкони ёъқ”, — дейди Грабский.
NYTнинг қайд этишича, Украинанинг рус аэродромига зарбалари Россия қанотли ва тактик баллистик ракета заҳираларини қисқартириши билан бир вақтга тўғри келган.
26 декабрга ўтар кечаси Россиянинг Саратов вилоятидаги “Энгелсъ ҳарбий аэродромида портлашлар содир бўлганди. Россия Мудофаа вазирлиги маълумотига кўра, ҳаво ҳужумидан мудофаа кучлари аэродром узра Украина дрони уриб туширган, унинг қисмлари қулашидан уч нафар аскар ҳалок бўлган.
Изоҳ (0)