Қозоғистоннинг Туркистон вилоятида полициячилар 26 нафар фоҳишани қўлга олди, деб хабар бермоқда Tengrinews.
Сариағаш шаҳрида қўшмачилик ва фоҳишахона ташкил қилиш билан боғлиқ ҳолатлар аниқланган. Тезкор-қидирув тадбирлари чоғида сауна ва хостеллар администраторлари қўлга олинган.
Аниқланишича, Қозоғистон ва Ўзбекистон фуқаролари бўлган беш кишидан иборат иккита жиноий гуруҳ енгил табиатли қизларни йиғиб, фоҳишахона ташкил қилган. Бундан ташқари, сауна ва хостелларни кўздан кечириш чоғида 26 нафар енгил табиатли қизлар аниқланган, улар Ўзбекистон фуқаролари бўлиб, пул эвазига интизм хизматларни тақдим этган.
Ҳолат юзасидан жиноий иш очилган, пул маблағлари ва бошқа ашёвий далиллар мусодара қилинган. Судгача суриштирув олиб борилмоқда.
Изоҳ (0)