Ген терапияси соҳасидаги баъзи янги дорилар яратувчилари касалликни битта курс мобайнида даволаб беришни ваъда қилмоқда, айни вақтда эса бундай дорилар нархи «тиббий суғурта тизими учун синовга айланмоқда», деб ёзади The Wall Street Journal.
Газета қайд этишича, «қимматбаҳо дорилар даври» келмоқда. Августдан буён АҚШ ва Европа регуляторлари ноёб ирсий касалликларни даволаш учун мўлжалланган тўртта препаратни маъқуллади. Уларни бир марта қабул қилиш керак, бироқ битта дозанинг қиймати камида 2 миллион долларга тенг.
Мисол сифатида WSJ Б гемофилиясига қарши Hemgenix дорисини келтириб ўтди. Нидерландиянинг УниҚуре компанияси томонидан ишлаб чиқилган ушбу дори Озиқ-овқат маҳсулотлари ва дори-дармонлар сифати устидан санитар назорат бўйича бошқарма (FDA) томонидан ноябрда маъқулланган. Дорининг нархи 3,5 миллион доллар бўлиб, у ҳозирги пайтда дунёдаги энг қимматбаҳо препарат ҳисобланади.
Blueбирд Skyсона компаниясининг болаларни шикастлайдиган ноёб неврологик касалликни даволайдиган дориси 3 миллион доллар, бета-талассемия (ирсий қон касаллиги) учун дориси эса 2,8 миллион доллар туради. Novartis компаниясининг орқа мушак атрофиясини даволаш учун қўлланиладиган Zolgensma препарати нархи 2,1 миллион долларга тенг.
Қимматбаҳо дорилар ишлаб чиқарувчилари бундай нарх ўзини оқлашини, чунки дориларни бир марта қабул қилиш етарли бўлишини айтмоқда. Уларнинг фикрича, ген терапияси ноёб ирсий касалликларга чалинган беморлар учун вазиятни яхши томонга ўзгартира олиши мумкин. Бироқ бундай муолажага ҳамма беморларнинг ҳам қурби етмайди, тиббий суғурта компаниялари ҳам бундай катта тўловларга тайёр эмаслигини айтмоқда. Уларнинг қайд этишича, янада қимматроқ ген терапияларининг қўлланилиши соғлиқни сақлаш соҳасига харажатларни оширади.
McKinsey & Cо. ҳисоб-китобларига кўра, 2024 йилда гентерапиясининг 30 га яқин янги усуллари жорий этилиши мумкин.
Изоҳ (0)