Украинанинг энг йирик банклари бир тармоққа бирлашди, у электр энергияси ўчирилган вақтларда мижозларга хизматлар кўрсатади. Бу ҳақда Украина Миллий банки хабар бермоқда.
Тармоққа мамлакатдаги 14 та энг йирик банкнинг мингдан ортиқ бўлинмалари кирди, улар энергиянинг захира манбалари ва муқобил алоқа каналлари, шунингдек, қўшимча нақд пул захиралари билан таъминланган.
Ушбу қарор Украина ҳукуматининг инфратузилмага ҳужумлар шароитида ўта муҳим сервислар фаолиятининг узлуксизлигини таъминлаш бўйича умумий лойиҳаси доирасида амалга оширилмоқда. Бўлинмаларда нақд пул олиш, валюта айирбошлаш, коммунал хизматлар учун тўлаш ва мутахассислардан маслаҳат олиш мумкин бўлади.
Россия сентябрдан буён Украина энергетика инфратузилмасига мунтазам ҳужумлар уюштириб келмоқда. Ўққа тутишлар натижасида Киев, Харьков, Львов, Одесса каби бутун бир йирик шаҳарлар иссиқлик ва электр таъминотидан узилиб қолмоқда.
Изоҳ (0)