Россия Хавфсизлик Кенгаши раҳбари ўринбосари, собиқ президент Дмитрий Медведев «Российская газета»да «Бизнинг халқимиз, еримиз, ҳақиқатимиз» номли мақоласини чоп эттирди ва унда 6 банд билан 2022 йил якунларини сарҳисоб қилди.
Хусусан, у нима учун Россия Украинада уруш бошлаганини тушунтириб, Владимир Путиннинг «денасификация» ва «демилитаризация» ҳақидаги тезисларини такрорлади, шунингдек, мақсадлар қаторида «референдумлар билан Россия таркибига кирган янги ҳудудлардаги ватандошларни ҳимоя қилиш» борлигини ҳам алоҳида таъкидлади.
«Натсизм яқин, лекин у ўтиб кетмайди», — деб ёзади Медведев. «Биз махсус ҳарбий операциянинг барча мақсадларига эришиш учун бутун саъй-ҳаракатларимизни ишга соляпмиз. Киев миллатчиларининг жирканч режими ўз фаолиятини тўхтатди. Бугун биздан бошқа ҳеч ким бу вазифани бажара олмайди».
Бошқа бандларда у Ғарбда Россия «гаплашадиган ва музокара қиладиган ҳеч ким йўқ»лигини, бирор нарса ҳақида музокаралар олиб боришга ҳожат йўқлигини ва шунинг учун мамлакат «дунёнинг бошқа қисми» билан муносабатларни ривожлантиришини айтди.
Бундан ташқари, Медведев Украинанинг амалдаги расмийлари билан тинчлик музокараларини рад этди ва давом этаётган ядровий таҳдид ҳақида гапирди. Аммо у «охирзамон ҳали келмайди», деб ишонтирди.
Бугунги кунда бизнинг душманларимизни тўхтатадиган ягона нарса — Россия РФнинг ядровий чеклаш соҳасидаги давлат сиёсати асосларига амал қилишини тушуниш. Агар чинакам таҳдид юзага келса, Россия уларга қарши ҳаракат қилади. Муаммо шундаки, у ҳолда ҳеч ким бу нима эканини — жавоб зарбасими ёки профилактик зарба — била олмайди.Аввалроқ Медведев НАТО Украинани Patriot комплекслари билан таъминлай бошласа, улар Россия армиясининг қонуний нишонига айланиши билан таҳдид қилганди. Шунингдек, у «АҚШ доим ўз дўстларини тарк этгани каби, Украинани ҳам ташлаб кетиши»ни айтган.Қуролсизланиш бўйича янги келишувлар ҳозирда нореал ва кераксиз. Мамлакатимизга мос келадиган максимал хавфсизлик кафолатлари қанчалик тез олинса, вазият шунчалик тез нормаллашади. Агар биз уларни олмасак, кескинлик чексиз давом этади. Дунё Учинчи жаҳон уруши ва ядровий фалокат ёқасида мувозанатни давом эттиради. Биз уларнинг олдини олиш учун ҳамма нарсани қиламиз, — деб ёзган Медведев.
Изоҳ (0)