Франция футбол федерацияси (FFF) Аргентина терма жамоаси ҳужумчиси Эмилиано Мартинес устидан Жанубий Америка мамлакати футбол федерациясига шикоят хати юборди.
Аргентина дарвозабони Мартинес Францияга қарши ЖЧ—2022 финалидан сўнг (3:3, пенальтилар сериясида 4:2) Килиан Мбаппенинг устидан кулди. Дастлаб кийим алмаштириш хонасида Эмилиано жамоадошларидан Мбаппе учун бир дақиқа сукут сақлашини сўради. Кейин эса Аргентинада бўлиб ўтган чемпионлик парадида Франция ҳужумчиси сурати туширилган қўғирчоқни олиб юрди.
Франция футбол федерацияси раҳбари Ноэл Ле Гре ушбу воқеа бўйича Аргентина футбол федерациясига мурожаат қилганини айтиб ўтди.
«Воқеа бўйича Аргентина футбол федерацияси билан боғландим. Бу ҳолатни ғайритабиий деб ҳисоблайман. Спорт мусобақаси фонида буни тушуниш жуда қийин. Мбаппе ўзини намунали томондан кўрсатган эди», — дейди Ле Гре.
Изоҳ (1)
odam bo`lmaymiz