Fransiya futbol federatsiyasi Emiliano Martinesning xatti-harakati yuzasidan Argentinaga shikoyat xati yubordi

Fransiya futbol federatsiyasi (FFF) Argentina terma jamoasi hujumchisi Emiliano Martines ustidan Janubiy Amerika mamlakati futbol federatsiyasiga shikoyat xati yubordi.

Argentina darvozaboni Martines Fransiyaga qarshi JCH—2022 finalidan so‘ng (3:3, penaltilar seriyasida 4:2) Kilian Mbappening ustidan kuldi. Dastlab kiyim almashtirish xonasida Emiliano jamoadoshlaridan Mbappe uchun bir daqiqa sukut saqlashini so‘radi. Keyin esa Argentinada bo‘lib o‘tgan chempionlik paradida Fransiya hujumchisi surati tushirilgan qo‘g‘irchoqni olib yurdi.

Fransiya futbol federatsiyasi rahbari Noel Le Gre ushbu voqea bo‘yicha Argentina futbol federatsiyasiga murojaat qilganini aytib o‘tdi.

“Voqea bo‘yicha Argentina futbol federatsiyasi bilan bog‘landim. Bu holatni g‘ayritabiiy deb hisoblayman. Sport musobaqasi fonida buni tushunish juda qiyin. Mbappe o‘zini namunali tomondan ko‘rsatgan edi”, — deydi Le Gre.