АҚШда қор бўрони оқибатида камида 9 киши ҳалок бўлди (видео)

АҚШнинг шарқда ва ўрта ғарбда жойлашган баъзи штатларида кучли қор бўрони оқибатида ҳалок бўлганлар бор, деб хабар бермоқда CNN.

Our field correspondent Brandon Clement has been near Buffalo, NY throughout the day, giving us glimpses of the terrifying conditions. He said this may be the most intense weather he's seen. We'll give the latest updates as they come in.#snow #blizzard @NYwx pic.twitter.com/JMs1ujHU93

— WeatherNation (@WeatherNation) December 24, 2022

Огайо штатида тўрт киши йўл-транспорт ҳодисаларида қурбон бўлди, яна бир неча киши жароҳатлар олди, бу ҳақда губернатор Майк ДеВайн маълум қилмоқда.

Канзас штатида ҳам турли ЙТҲлар оқибатида тўрт киши ҳалок бўлди, штат йўл патруль хизмати ва полицияси маълумотлари шундан дарак бермоқда.

Check out this video the Nebraska State Patrol sent us. It's from Dec. 21 and shows dashcam from a patrol vehicle while parked inside a blizzard.

The NSP says if you get stranded while on the road, you should stay put in the vehicle and call for help. pic.twitter.com/Hcr9s1eypb

— KTIV News Four (@ktivnews) December 22, 2022

Кентуккида яна уч нафар қурбон бор, губернатор Энди Бешир айтишича, уларнинг икки нафари автоҳалокатларда, бир нафари эса номаълум сабабга кўра ҳалок бўлган.

CNN қайд этишича, ноқулай об-ҳаво шароитида ҳалок бўлганлар ҳақидаги маълумотлар 21 декабрь, чоршанба кунидан буён келиб тушмоқда, бўрон 23 декабрь куни авжига чиққан.

Бундан ташқари, мамлакатда электр энергияси билан боғлиқ узилишлар бошланди. Электр узатилишини кузатиб борувчи «PowerOutage.us» сайти маълумотларига кўра, 1 миллион истеъмолчи чироқсиз қолган вазиятлар ҳам бўлди. Сўнгги маълумотларга қараганда, 500 мингдан ортиқ аҳоли электр энергияси билан боғлиқ муаммоларни бошидан кечирмоқда, шуларнинг ярмидан кўпи — шарқий Мен штати аҳолисидир.

Кўплаб штатларда ҳаво кескин совиб кетиши кузатилди, Ваёминг ҳаво ҳарорати бўйича рекорд ўрнатди — у ерда термометр устуни -41 даражагача тушиб кетди.

Қор бўрони оқибатида йўллар ёпилган, авиарейслар ва темир йўл рейслари бекор қилинган.

Аввалроқ Японияда 17 декабрдан бери тинмаётган қор оқибатида 8 киши ҳалок бўлиб, 45 киши жароҳатлангани хабар берилган эди.