Украинанинг Херсон вилояти 23 декабрь куни Россия ҳарбийлари томонидан ўққа тутилди. Бу ҳақда вилоят ҳарбий маъмурияти раҳбари Ярослав Янушевич хабар берди.
Болалар боғчаси шаҳарнинг Корабел туманида жойлашган. «Россия армияси Херсондаги фуқаролик инфратузилмасини нишонга олишда давом этмоқда. Бу сафар улар болалар боғчасини ўққа тутди», — дейди Янушевич.
У бинодаги портлаш тўлқини ва снаряд парчалари туфайли деразалар синганини айтди. «Яхшиямки, ҳодиса оқибатида қурбонлар йўқ», — деди у. Янушевич тинч аҳолининг уйлари ҳам ўққа тутилганини қайд этди.
«Одамлар тинч аҳолига қарата ўқ узилаётганини англаб, даҳшат ичида уйларини тарк этди. Тез ёрдам бригадалари ярадорларга ёрдам бермоқда. Дастлабки маълумотларга кўра, икки киши ҳалок бўлган: эркак ва аёл», — деди у.
Истилодан озод қилинган Херсон шаҳрида хоналаридан камералар сифатида фойдаланилган бинода вояга етмаганлар сақланган алоҳида хона топилганди. Бу хона ҳам худди бошқалари каби зах бўлган, у ердаги болаларга эса кунора сув берилган, овқат эса деярли берилмаган. Болаларга нисбатан психологик босим қўлланилган. Хусусан, уларга гўёки ота-оналари улардан воз кечгани ҳақида айтишган.
Изоҳ (0)