Ukrainaning Xerson viloyati 23-dekabr kuni Rossiya harbiylari tomonidan o‘qqa tutildi. Bu haqda viloyat harbiy ma’muriyati rahbari Yaroslav Yanushevich xabar berdi.
Bolalar bog‘chasi shaharning Korabel tumanida joylashgan. “Rossiya armiyasi Xersondagi fuqarolik infratuzilmasini nishonga olishda davom etmoqda. Bu safar ular bolalar bog‘chasini o‘qqa tutdi”, — deydi Yanushevich.
U binodagi portlash to‘lqini va snaryad parchalari tufayli derazalar singanini aytdi. “Yaxshiyamki, hodisa oqibatida qurbonlar yo‘q”, — dedi u. Yanushevich tinch aholining uylari ham o‘qqa tutilganini qayd etdi.
“Odamlar tinch aholiga qarata o‘q uzilayotganini anglab, dahshat ichida uylarini tark etdi. Tez yordam brigadalari yaradorlarga yordam bermoqda. Dastlabki ma’lumotlarga ko‘ra, ikki kishi halok bo‘lgan: erkak va ayol”, — dedi u.
Istilodan ozod qilingan Xerson shahrida xonalaridan kameralar sifatida foydalanilgan binoda voyaga yetmaganlar saqlangan alohida xona topilgandi. Bu xona ham xuddi boshqalari kabi zax bo‘lgan, u yerdagi bolalarga esa kunora suv berilgan, ovqat esa deyarli berilmagan. Bolalarga nisbatan psixologik bosim qo‘llanilgan. Xususan, ularga go‘yoki ota-onalari ulardan voz kechgani haqida aytishgan.
Izoh (0)