Бухоро вилоятида Қоровулбозор давлат ўрмон-ов хўжалиги директори ушланди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Бош прокуратура ҳузуридаги департаментнинг Бухоро шаҳри бўлими томонидан ДХХ ходимлари билан ҳамкорликда тезкор тадбир ўтказилган. Унда Қоровулбозор давлат ўрмон-ов хўжалиги директори Ж.Н. фуқаро Б.Б.нинг ишончига кириб, унга 3 000 доллар эвазига акаси ва қариндоши томонидан ушбу хўжаликка етказилган 78 млн сўм зарарнинг тўлангани тўғрисида маълумотнома бериш орқали қарздорлигини ёпишини айтиб, шундан 2022 йилнинг ноябрь ойида 2 000 долларни олиб, яна 800 долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)