Жиззах вилояти Жиззах шаҳридаги деҳқон бозорида 22 декабрь куни ўрнатилаётган арчада ёнғин содир бўлди. Ҳолат юзасидан вилоят Фавқулодда вазиятлар бошқармаси ахборот хизмати муносабат билдирди.
Аниқланишича, соат 18:01 да вилоят ФВБ навбатчилик қисмига шаҳарнинг «Мирзо Улуғбек» маҳалласи Тошкент кўчаси ҳудудида жойлашган марказий деҳқон бозори автотураргоҳида бозор маъмурияти томонидан ўрнатилаётган Янги йил арчасида ёнғин содир бўлаётгани тўғрисида хабар келиб тушган.
Хабар юзасидан зудлик билан шаҳар фавқулодда вазиятлар бўлимининг 2 та ёнғин-қутқарув экипажи воқеа жойига етиб борган. Ушбу ёнғин фуқаролар томонидан ўчириб олинган.
Ёнғин оқибатида арчанинг 40 см юқори қисми ёниб зарарланган. Ёнғиннинг келиб чиқиши безак сифатида ўрнатилаётган чироқларни ёқиб синовдан ўтказиш жараёни билан боғлиқ. Ушбу ҳолатда фуқароларнинг куйиш тан жароҳати олиш ва ҳалок бўлиш ҳолатлари қайд этилмаган.
Мавзуга доир:
Изоҳ (0)