Ўзбекистон-Қозоғистон саммити якунида икки томонлама ҳужжатларни имзолаш маросими бўлиб ўтди, деб хабар бермоқда «Дарё» мухбири.
Шавкат Мирзиёев ва Қозоғистон президенти Қосим-Жўмарт Тўқаев Иттифоқчилик муносабатларини ўрнатиш тўғрисида шартнома ва Ўзбекистон-Қозоғистон давлат чегарасини демаркация қилиш тўғрисида шартномани имзолади.
- Ўзбекистонда мултимодал транспорт-логистика марказини барпо этиш бўйича ҳамкорлик ва англашув меморандуми;
- Ўзбекистонда минерал ўғитлар ишлаб чиқариш бўйича ҳамкорликда шериклик тўғрисидаги битим;
- «Ўзбекнефтгаз» АЖ ҳамда «КазМунайГаз» АЖ ўртасида Ўзбекистонга нефть етказиб бериш бўйича битим;
- Тошкент вилояти ҳамда Қозоғистоннинг Туркистон вилояти ўртасида ҳамкорликни кенгайтириш бўйича 2023-2024 йилларга мўлжалланган «йўл харитаси»;
- Жиззах вилояти ҳамда Қозоғистоннинг Туркистон вилояти ўртасида ҳамкорликни кенгайтириш бўйича 2023-2024 йилларга мўлжалланган «йўл харитаси»;
- Навоий вилояти ҳамда Қозоғистоннинг Қизилўрда вилояти ўртасида ҳамкорликни кенгайтириш бўйича 2023-2024 йилларга мўлжалланган «йўл харитаси»;
- Фуқароларнинг ўзаро келиб-кетиш шартлари тўғрисидаги битимга ўзгартириш киритиш ҳақидаги баённома;
- Ўзбекистон Президенти ҳузуридаги давлат хизматини ривожлантириш агентлиги билан Қозоғистон давлат хизмати ишлари агентлиги ўртасида англашув меморандуми;
- Экология ва атроф-муҳитни муҳофаза қилиш соҳасида ҳамкорлик тўғрисидаги битим;
- Ўрмон хўжалиги соҳасидаги англашув меморандуми;
- Ўзбекистон Президенти ҳузуридаги стратегик ислоҳотлар агентлиги билан Қозоғистон стратегик режалаштириш ва ислоҳотлар агентлиги ўртасида ҳамкорлик бўйича меморандум;
- Олий таълим ва олий таълимдан кейинги таълим соҳасида ҳамкорлик тўғрисидаги битим;
- Электрон савдони ривожлантириш соҳасида ҳамкорлик тўғрисидаги англашув меморандуми;
- «Марказий Осиё» саноат кооперацияси халқаро марказини барпо этиш тўғрисидаги ҳадли битим.
Фото
Изоҳ (0)