«Толибон» ҳаракати Афғонистондаги университетларни аёллар учун ёпди. Бу ҳақда мамлакат олий таълим вазирига таяниб, BBC хабар берди.
Вазирнинг айтишича, бу ҳаракат кейинги огоҳлантиришгача давом этади. У дарҳол кучга кириши кутилмоқда. Бу аёлларнинг расмий таълим олиш имкониятини янада чеклайди, жумладан улар ўрта мактабда таълим олишдан четлаштирилган.
Уч ой олдин Афғонистон бўйлаб минглаб қизлар ва аёллар университетга кириш имтиҳонларида қатнашган. Аммо улар ўрганиши мумкин бўлган фанларга кескин чекловлар қўйилганди. Хусусан, ветеринария, муҳандислик, иқтисод ва қишлоқ хўжалиги соҳаси тақиқланиб, журналистика қаттиқ чекланган.
«Толибон» 2021 йил ҳокимият тепасига келгач, университетларда жинсга қараб алоҳида синф хоналари ва кириш эшиклари мавжуд бўлган. Аёл талабаларга фақат аёл профессорлар ёки қариялар дарс бериши мумкин эди.
Ноябрь ойида расмийлар Кобулда ислом қонунларига риоя қилинмаслигини айтиб, аёлларни боғларга боришини тақиқлаганди.
Мавзуга доир:
Изоҳ (0)