Жонни Депп бедаво дардга чалинган жажжи мухлисига Жек читтак образида мурожаат йўллади (видео)

Голливуд актёри Жонни Депп жажжи мухлисининг орзусини рўёбга чиқаришга ёрдам берди ва унга хабар юбориб, даволаб бўлмайдиган юрак касаллигига қарши курашишда қўллаб-қувватлади.

Актёр 11 ёшли блогер Корини Жек читтак қиёфасида кийиниб, таъсирчан видеомурожаати ва телефон қўнғироғи билан ҳайратда қолдирди. Депп телефон орқали суҳбат чоғида ўзини қароқчилар кемасида бўлгандек кўрсатди.

Хабарларга кўра, Кори иккита юрак трансплантациясини бошдан кечирган ва ҳозирда унга паллиатив ёрдам кўрсатилмоқда. Жонни унга ёрдам бераётган пайтда болакайнинг YouTube каналида имкон қадар кўпроқ обуначиларга эга бўлишини хоҳлашини айтди. «Сизга омад тилайман, мен сизнинг биринчи рақамли мухлисингизман, капитан Кори, ҳурматим ва муҳаббатим билан», — дейди актёр.

«Капитан Кори, мен сизни ҳақиқий блогер деб биламан. Сизнинг каналингизга обуна бўлишни истардим ва барча дўстларимга сизнинг каналингизга обуна бўлишини айтаман», — деб қўшимча қилди Жонни видеомурожаатида.

Мавзуга доир:

• ОАВ: Жонни Депп «Кариб денгизи қароқчилари»даги ролига қайтиши мумкин.