Яқинда 60 ёшга тўлган жозибали Деми Мурга қараб кексаликдан қўрқмаслик кераклигини тушунасиз. Актрисанинг таъкидлашича, унинг бундай кўринишига 49 ёшидан бошлаб ўз устида ишлагани натижасидир. Унинг сўзларига кўра, улғайган сари гўзаллик ёш кўринишга эмас, балки ҳис-туйғуларга бевосита боғлиқлигини тушунди. Унинг усуллари ҳақиқатан ҳам ишлаётганини ҳисобга олиб, уларни сиз билан баҳам кўрамиз.
Ёмон фикрлар ва салбий ҳис-туйғуларни ўйламайди
Деми Мур бошдан кечирган ҳис-туйғулар ва тажрибаларимиз ташқи кўринишимизда акс этади, деб ҳисоблайди. Шунинг учун яхши кўриниш учун барча салбий фикрлар ва ҳис-туйғулардан халос бўлишингиз керак. У шундай дейди:
Агар хафагарчилик, ғазаб, оғриқ ёки хасадни ичимизда сақласак, бу ташқи томондан ёшга ёш қўшади.Салбий ҳис-туйғуларни бошдан кечирмасликнинг иложи бўлмаса-да, Мур асосийси уларга ёпишиб олмаслик эканлигига ишонади.
Уйда «ақлли» фитнес ойна билан машқ қилади
Фаолияти давомида актриса кўпинча мукаммал кўринишда бўлиши керак бўлган қаҳрамонларни гавдалантирган. Масалан, суратга олишга тайёргарлик кўриш чоғида Мур тонг отгунча пляжда югуриб, ёга билан шуғулланган ва кунига 3 соат рақсга тушган. «Аскар Жейн» фильмидаги рол учун у кунига 2 соат машқ қилган.
Аммо маълум бўлишича, кундалик ҳаётда Мур спорт залига доим ҳам боравермайди. 2019 йилдан бери залга боормаганини айтади.
Яқинда бир видеода актриса «ақлли» ойна симулятори ёрдамида яна фитнес билан шуғулланишини айтиб ўтди. Ушбу юқори технологияли қурилма машқларни уйда бажаришга имкон беради ва ҳатто шахсий мураббий ўрнини ҳам босади. Дарс тугагач, машқ ойнаси оддий мебелга айланади.
«Қанча содда бўлса, шунча яхши» тамойилига амал қилади
Терини парвариш қилиш ҳақида Деми Мур қуйидагиларни айтади:
Менинг сирим «қанча содда бўлса, шунча яхши» жумласида. Агар ўз-ўзини парвариш қилиш қоидалари оддий бўлса, уларга риоя қилиш анча осон бўлади.У, шунингдек, гўзалликнинг ҳеч қандай сири йўқлигини, энг муҳими, яхши косметологга мурожаат қилиш лозимлигини қўшимча қилади. Унинг косметологи одатда унга самарали ва табиий ингредиентларга асосланган маҳсулотларни тавсия қилади.
Ақл ва тана бир бўлишини таъминлайди
Юқорида айтиб ўтганимиздек, Мур гўзаллигини сақлаб қолиш учун кўп куч сарфламайди, чунки у гўзаллик инсоннинг ичидан пайдо бўлишига ишонади.
Деми шундай дейди:
Ташқи кўринишингиз билан хоҳлаган нарса қилишингиз мумкин. Аммо ўзингизни ёмон ҳис қилсангиз, ташқи кўринишингизга нима қилсангиз ҳам, етарли бўлмайди.Ўзининг ички поклигини сақлаб қолиш учун актриса мунтазам равишда энергия даволовчи билан ишлайди, унинг фикрига кўра, машғулотлар унга тана ва онгнинг бирлигини ҳис қилиш имкониятини беради.
Қаришга қаршилик қилмайди
Гарчи Деми ажойиб кўринади деб ўйласак ҳам, унинг ўзи бундай деб ўйламайди. Яқинда 60 ёшга кирган юлдуз шундай дейди:
Мен анчадан бери аввалгидек ажойиб жисмоний формада эмасман ва терим ҳам идеалдан йироқ.Аммо актрисанинг таъкидлашича, қариш билан курашиш ва вақтни орқага қайтариш ўрнига, у биринчи навбатда ўзини қандай бўлса шундайлигича қабул қилиш устида ишламоқда. Эҳтимол, унинг ҳозирги кўриниши ўзини севиш ва қабул қилиш қарорининг натижасидир.
Мавзуга доир:
- «Ўртадаги 13 ёш фарқ паспортдаги рақамлар холос»: актёр Хью Жекман рафиқаси билан бирга ўтказган яхши-ёмон кунлари ҳақида
- «Менинг энг хавфли душманим ўзим эканимни биламан» — актриса ва хонанда Линдси Лоҳан 3 ёшида бошланган карьерасидаги туб бурилишлар ҳақида
- Эмилия Кларк, Кемерон Диаз ва яна кинога қайтишга қарор қилган бошқа юлдузлар (фото)
Изоҳ (0)