Украина президенти Владимир Зеленский Россия раҳбари Владимир Путин билан рингга чиқиб, унинг юзига мушт туширишга тайёрлигини маълум қилди. Бу ҳақда у Франциянинг LCI телеканалига берган интервьюсида айтиб ўтди.
«Масалани ҳақиқий эркаклардек ҳал қилиш учун Путин билан рингга чиқишга тайёрман», — деди у.
«Агар ҳақиқий эркак кимгадир қанақадир хабар етказмоқчи бўлса ёки унинг башарасига мушт туширмоқчи бўлса — буни ўзи қилади, воситачиларни жўнатмайди», — деди Украина президенти.
У агар шундай таклиф келиб тушса, эртагаёқ рингга тушиши мумкинлигини қўшиб қўйди.
Шу интервью чоғида Зеленский унга Путин билан музокаралар ўтказишни таклиф қилишаётганини айтганди. Бироқ унинг фикрича, «нарсаларга нисбатан қарашлар» ҳар хил бўлгани сабабли, улар муҳокама қиладиган ҳеч қандай мавзу йўқ.
«Биламан, баъзилар у билан музокаралар столига ўтиришни таклиф қилмоқда, лекин у билан нимани муҳокама қилишни билмайман. У ўз нуқтаи назарига тўғри келадиган тинчликни хоҳлаяпти, лекин бизнинг қарашларимиз мутлақо бошқа-бошқа», — деди Зеленский.
Мавзуга доир: «Путин вафот этса, Украинадаги уруш тугайди» — Зеленский
Изоҳ (0)