Қирғизистондаги барча мактаблар 24 декабрга қадар онлайн-таълимга ўтказилади. Бу ҳақда Жогорку Кенеш мажлисида таълим ва фан вазири ўринбосари Нодира Жусупбекова маълум қилди, деб ёзади «24.kg».
Унинг сўзларига кўра, қарор Соғлиқни сақлаш вазирлиги ахбороти асосида қабул қилинган.
«Соғлиқни сақлаш вазирлиги маълумотларига кўра, ҳозир юқумли касалликлар тарқалиши авж олган. Касалланиш ҳолатлари кўпайиши муносабати билан республикадаги барча мактабларни онлайн-таълимга ўтказамиз», — деди у.
Аввалроқ Қирғизистонда 509 та мактаб ва 168 та болалар боғчаси карантинга ёпилган эди. Бу республикадаги мактабларнинг бешдан бир қисми демакдир. Мамлакатда жами 2357 та умумтаълим ташкилотлари мавжуд.
Хабарларга кўра, Қирғизистонда ўтган бир ҳафта ичида (5—11 декабрь) коронавирусга чалиниш билан боғлиқ 10 та ҳолат қайд этилган. Хавфни баҳолаш матрицасига мувофиқ, барча вилоятлар яшил зонада қолмоқда.
Пандемия бошидан буён эса Қирғизистонда жами 206,5 мингдан ортиқ одам вирусга чалинган.
Мавзуга доир:
- Видео: Қирғизистон парламенти спикери экология вазирига рус тилида маъруза қилишга рухсат бермади
- Қирғизистон президенти ва миллий хавфсизлик давлат хизмати раҳбарининг қиммат курткаси муҳокамага сабаб бўлди (фото)
- Қирғизистон президенти Германиядан сотиб олинган Airbus H145 вертолётини синовдан ўтказди (фото)
Изоҳ (0)