Исроилда қорнида иккита эмбрион бор қиз туғилди, бу ярим миллион боладан фақат биттасида кузатиладиган камёб ҳолат ҳисобланди. Бу ҳақда The Times of Israel хабар берди.
Шифокорлар аномалияни чақалоқ она қорнида бўлганида аниқлаган. Ҳомиладорликнинг охирги босқичида аёл ультратовуш текширувидан ўтган ва қизнинг қорни катталашганини кўрган. Туғилгандан кейин чақалоқ текширилган ва унинг ичида эмбрион борлиги тасдиқланган.
Тиббиёт марказининг етакчи мутахассислари операция ўтказган, натижада қизнинг қорнидаги икки эмбрион олиб ташланган. Шифокорларнинг фикрига кўра, бу эмбрионлар шаклланмаган, ҳомила фақат қисман ривожланган. Операция муваффақиятли ўтган, қиз ва онасига уйига кетишига рухсат берилган.
Бундай аномалиялар қандай пайдо бўлишини тушунтирадиган назария мавжуд. Унга кўра, она қорнида эгизаклар бўлади, аммо кейин эмбрионлардан бири иккинчисига ўтиб кетади.
Мавзуга доир:
- Мексикада 6 см думи бўлган чақалоқ туғилди
- АҚШда 30 йил аввал музлатилган эмбриондан соғлом эгизаклар дунёга келди. Бу янги рекорд ҳисобланади (фото)
- Украинада икки бошли чақалоқ туғилишига ташқи омиллар таъсир қилганлиги тахмин қилинди
- Болаларни сунъий етиштирувчи дунёдаги биринчи концепция тақдим қилинди (видео)
Изоҳ (0)