Сурхондарё вилояти Термиз шаҳридаги хонадонлардан бирида 10 декабрь куни портлаш содир бўлди. Ҳолат юзасидан вилоят ҳокимлиги матбуот хизмати маълумот берди.
Қайд этилишича, соат 06:40 чамасида Термиз шаҳри «Ўзбекистон» маҳалласи Алишер Навоий кўчаси 24-уйда яшовчи, 1965 йилда туғилган Н.V.нинг ошхонасида табиий газ ва ҳаво аралашмасининг чақнаши содир бўлиб, оқибатда Н.V.нинг бутун тана юзаси 3—4-даражали, 40—45 фоиз куйиш тан жароҳати олиб, Республика шошилинч тез тиббий ёрдам илмий маркази Термиз филиалига ётқизилган.
Хонадонга ўрнатилган газ ҳисоблагич ҳисобдони қарз туфайли ўчгач, фуқаро Н.V. томонидан ўзбошимчалик билан газ ҳисоблагич ҳисобдонидаги фильтр қисмини ечиб олиши ва қўлбола усулда тайёрланган резина шлангни ноқонуний улаб фойдаланиши оқибатида хонага газ сизиб чиқиши газ-ҳаво аралашмаси чақнаши содир бўлишига олиб келган.
Воқеа жойига вилоят Фавқулодда вазиятлар бошқармаси, Тезкор бошқарув маркази ва шаҳар фавқулодда вазиятлар бўлими раҳбарлари ва масъул ходимлари етиб борган ҳамда шаҳар ФВБнинг 2 та ёнғин қутқарув экипажи жалб этилган.
Мавзуга доир:
Изоҳ (0)