Қашқадарё вилоятининг Ғузор тумани ҳудудидан ўтувчи А-380 Ғузор—Қарши автомобиль йўлининг 25-километрида «Акбаршоҳ Амирхон транс сервис» МЧЖга қарашли Howo юк машинаси ағдарилди.
Воқеа устидан чиққан «Дарё» мухбири билан суҳбатлашган ҳайдовчининг айтишича, у чорраҳада олдинда ҳаракатланиб кетаётган ва кескин тормоз берган Nexia автомашинасини уриб юбормаслик учун рул бошқарувини ўнг томонга бурган. Натижада устида юки бўлган Howo автомашинаси ағанаган.
Қуюқ туман бўлгани сабабли тезлигим юқори эмасди. Олдимдаги Nexia автомобили дарҳол тормоз босгани сабабли уни уриб юбормаслик учун машинани ўнг томонга олдим. Машина устида оғир юк бўлгани сабабли бошқарувни йўқотдим. Қолганини эслай олмайман. Ўзимга келсам машина чорраҳадаги светофорни йиқитиб, йўл четига ағдарилибди. Кескин тормозланган Nexia автомобили қочиб кетди, — дейди исмини ошкор қилишни истамаган юк машинаси ҳайдовчиси.
Изоҳ (0)