Косовонинг 350 га яқин полиция ходими Косово шимоли ва Метохия (Сербиядаги автоном ўлка)га бостириб кирди ҳамда Косовска-Митровица шаҳрини «эгаллади». Бу ҳақда Сербия ҳукумати ҳузуридаги Косово ва Метохия бўйича канцлерярия раҳбари Петар Петкович маълум қилди. Унинг сўзларига кўра, Сербия ҳукумати хавфсизлик кучларининг 1000 нафар аъзосини Косово ҳудудига қайтариш масаласини кўриб чиқмоқда.
Петковичнинг айтишича, қисман тан олинган республика шимолига 300—350 га яқин бронежилетли полициячи ва махсус кучлар вакиллари етиб келган. Уларнинг барчаси «узун стволли қуроллар кўтарган, тўлиқ жанговар жиҳозлар ва зирҳли машиналарда». Петковичнинг сўзларига кўра, хавфсизлик кучлари «бутун шаҳарни том маънода эгаллаб, тўсиб қўйган».
«Белград БМТ Хавфсизлик кенгашининг 1244-резолюцияси 4-бандида назарда тутилганидек, Косово ва Метохия ҳудудига минг нафаргача хавфсизлик кучларимизни қайтариш масаласини кўриб чиқмоқда», — деди Петкович шошилинч равишда ўтказилган матбуот анжуманида.
БМТ Хавфсизлик кенгашининг 1244-резолюцияси 1999 йил июнь ойида қабул қилинган. У Югославия федератив республикасида халқаро фуқаролик ва ҳарбий иштирокни тақиқлаган ҳамда Косовода БМТнинг Муваққат маъмурий миссиясини тузган. 4-бандда «Югославия ва Сербиянинг келишилган сондаги ҳарбий хизматчиларига ўз вазифаларини бажариш учун Косовога қайтишга рухсат берилган»и айтилади.
Изоҳ (0)