Товуқ гўшти ва пишлоқ қўшиб тайёрланадиган хуштаъм «Цезарь» салати рецепти

Товуқ гўшти ва пишлоқдан тайёрланадиган салат мазали таъмга эга. Уни ўзингизга ёққан услубда безатиб дастурхонга тортишингиз мумкин. Қайла салатнинг таъмини янада уйғунлаштиради.

Салат учун керакли масаллиқлар:

• батон — 3-4 бўлак
• ўсимлик ёғи — 2-3 қошиқ
• туз — таъбга кўра
• товуқ филеси — 2 дона
• мурч — таъбга кўра
• пармезан пишлоғи — таъбга кўра
• салат барги — таъбга кўра

• лимон — 1 дона
• саримсоқ — 2 донача
• пармезан пишлоғи — 50 г
• майонез — 2 қошиқ
• хантал — 2 қошиқ
• туз — ярим қошиқ
• мурч — ярим қошиқ
• зайтун ёғи — 240 мл

1. Батонни кичик кубик шаклида тўғраб олинг ва пишириш варағига қўйинг. Унга 1-2 ош қошиқ ўсимлик ёғи ва туз қўшинг.
2. Батон бўлакларини 8-10 дақиқа давомида 180 даража ҳароратда олдиндан қиздирилган печга қўйинг. Бу вақт ичида батон бўлакларини бир неча марта аралаштиринг.
3. Товуқ филесига ёғ, туз ва мурч қўшинг. Грил пишириладиган товада ўртача оловда ҳар томондан тахминан 4 дақиқа давомида пишириб олинг.
4. Товуқ гўштини катта бўлакларга, пишлоқни эса ингичка бўлакларга бўлинг. Салат баргини қўшиб аралаштиринг.
5. Бир дона лимоннинг 60 мл шарбатини сиқиб олинг. Саримсоқ ва пармезан пишлоғини кичик тишли қирғичдан ўтказиб олинг.
6. Майонез, лимон шарбати, саримсоқ, хантал, туз ва мурчни блендер ёрдамида аралаштиринг.
7. Секин-аста ёғни массага қўшинг ва қаймоқли масса олинмагунча аралаштиришда давом этинг.
8. Унга пармезанли қайлани қўшинг ва яна блендер ёрдамида ҳамма маҳсулотларни аралаштиринг.
9. Салатни идишларга солинг ва устига қайлани қуйинг.

Мавзуга доир: 

• Оқ шоколад ва қаймоқдан хуштаъм мусс тайёрлаймиз.
• Оддий ва осон тайёрланадиган шоколадли «Каштан» ширинлиги рецепти.
• Бир зумда тайёр бўладиган олмали пирог рецепти.
• Мазали нонушта: Печда пишириладиган гилосли запеканка ва картошкали тортиля рецепти.