Tovuq go‘shti va pishloq qo‘shib tayyorlanadigan xushta’m “Sezar” salati retsepti

Tovuq go‘shti va pishloqdan tayyorlanadigan salat mazali ta’mga ega. Uni o‘zingizga yoqqan uslubda bezatib dasturxonga tortishingiz mumkin. Qayla salatning ta’mini yanada uyg‘unlashtiradi.

Salat uchun kerakli masalliqlar:

• baton — 3-4 bo‘lak
• o‘simlik yog‘i — 2-3 qoshiq
• tuz — ta’bga ko‘ra
• tovuq filesi — 2 dona
• murch — ta’bga ko‘ra
• parmezan pishlog‘i — ta’bga ko‘ra
• salat bargi — ta’bga ko‘ra

• limon — 1 dona
• sarimsoq — 2 donacha
• parmezan pishlog‘i — 50 g
• mayonez — 2 qoshiq
• xantal — 2 qoshiq
• tuz — yarim qoshiq
• murch — yarim qoshiq
• zaytun yog‘i — 240 ml

1. Batonni kichik kubik shaklida to‘g‘rab oling va pishirish varag‘iga qo‘ying. Unga 1-2 osh qoshiq o‘simlik yog‘i va tuz qo‘shing.
2. Baton bo‘laklarini 8-10 daqiqa davomida 180 daraja haroratda oldindan qizdirilgan pechga qo‘ying. Bu vaqt ichida baton bo‘laklarini bir necha marta aralashtiring.
3. Tovuq filesiga yog‘, tuz va murch qo‘shing. Gril pishiriladigan tovada o‘rtacha olovda har tomondan taxminan 4 daqiqa davomida pishirib oling.
4. Tovuq go‘shtini katta bo‘laklarga, pishloqni esa ingichka bo‘laklarga bo‘ling. Salat bargini qo‘shib aralashtiring.
5. Bir dona limonning 60 ml sharbatini siqib oling. Sarimsoq va parmezan pishlog‘ini kichik tishli qirg‘ichdan o‘tkazib oling.
6. Mayonez, limon sharbati, sarimsoq, xantal, tuz va murchni blender yordamida aralashtiring.
7. Sekin-asta yog‘ni massaga qo‘shing va qaymoqli massa olinmaguncha aralashtirishda davom eting.
8. Unga parmezanli qaylani qo‘shing va yana blender yordamida hamma mahsulotlarni aralashtiring.
9. Salatni idishlarga soling va ustiga qaylani quying.

Mavzuga doir: 

• Oq shokolad va qaymoqdan xushta’m muss tayyorlaymiz.
• Oddiy va oson tayyorlanadigan shokoladli “Kashtan” shirinligi retsepti.
• Bir zumda tayyor bo‘ladigan olmali pirog retsepti.
• Mazali nonushta: Pechda pishiriladigan gilosli zapekanka va kartoshkali tortilya retsepti.