Бугун,

  • USD 11095.31
  • RUB 173.84
  • EUR 10772.44

Украина элчиларига ҳақиқий ёки қалбаки портловчи қурилмалар ёки бўлмаса, сигир, чўчқа кўзлари ва жониворларнинг бошқа аъзолари солинган 17 та аноним почта жўнатмалари юборилган, бу қўрқитиш кампаниясидир, деди Украина ташқи ишлар вазири Дмитрий Кулеба CNN’га берган интервьюсида.

Дмитрий Кулеба

Дмитрий Кулеба
Фото: EPA

«Ҳаммаси Украинанинг Испаниядаги элчихонаси яқинида юз берган портлашдан бошланди. Лекин бу портлашдан кейинги ҳодисалар янада ғайритабиийроқ ва айтиш жоиз бўлса, носоғломроқдир», — деди вазир.

Кулеба ушбу жўнатмалар «биз халқаро майдонда Россия учун яратган ўша дипломатик даҳшат»га жавоб бўлганини тахмин қилди. Воқеалар учун ёки Москва, ёки унга мойиллик билдириб, «қўрқув уруғини сочишга интилаётганлар» масъул, деб ҳисоблайди у.

Кейинроқ Кулеба дипломатларга яна битта посилка келганини, энди уларнинг сони 18 тага етганини айтди. Вазир аниқлик киритишича, «айни пайтгача бизга нисбатан 12 та мамлакатда 18 марта таҳдид ҳолати юз берди, булар Венгрия, Нидерландия, Польша, Хорватия, Италия, Австрия, Чехия, Ватикан, Франциядаги воқеалар, Қозоғистонда мина қўйилгани ҳақидаги хабар ва АҚШдаги шубҳали хатдир».

30 ноябрь куни Украинанинг Мадриддаги элчихонасида портлаш содир бўлди, оқибатда хавфсизлик хизмати ходими жароҳатланди. Портловчи қурилма элчи Сергей Погорельцевга йўлланган хат ичида бўлган. У портловчи қурилмадан иборат пакет юборилиши ортида Россия турганини тахмин қилди.

Бу ҳодисадан кейин Испанияда сўнгги бир ҳафта ичида бомбалар солинган хатлар бош вазир Педро Санчесга, мамлакат Мудофаа вазирлигига, АҚШнинг Мадриддаги элчихонасига, Торрехон-де-Ардос шаҳридаги авиабазага, шунингде, Киевга қурол етказиб берувчи Instalaza компаниясига юборилгани маълум бўлди.

Бундай хатлар Украинанинг Мадриддаги элчихонасидан ташқари, чет мамлакатлардаги яна иккита ваколатхонасига келиб тушган. Воқеалар 30 ноябрь ва 1 декабрь кунлари юз берган. Кулеба Украинанинг учта элчихонасига таҳдидлар ва қандайдир қизил суюқликдан иборат бўлган хатлар юборилганини айтганди. «Хатларда портловчи қурилма эмас, бошқача модда бўлган… Шундай дейлик: ушбу конвертлар ичида Украинага нисбатан рамзий таҳдид бўлган. Фақат шуни айтишим мумкинки, конвертларнинг барчаси қабул қилинган вақтда қизил суюқлик билан шимдирилган бўлган», — деди у «Рада» телеканали эфирида.

Изоҳ
Асосий янгиликлар
Спорт
Энтони Жошуанинг навбатдаги рақиби ва жанги санаси маълум бўлди
Иқтисодиёт
Uzbekistan Airways Нью-Йоркка парвозлар учун 20 фоизлик чегирма эълон қилди
Иқтисодиёт
Ўзбекистонда 2023 йилда инфляция 8,5—9,5 фоиз атрофида бўлиши кутилмоқда