Bugun,

  • USD 11095.31
  • RUB 173.84
  • EUR 10772.44

Ukrainaning Ispaniyadagi elchixonasi hududida portlagan jo‘natma elchi Sergey Pogorelsevga yuborilgan. Bu haqda ukrainalik diplomat “Yevropeyskaya pravda” nashriga xabar berdi.

Foto: AFP

Foto: AFP

Elchining so‘zlariga ko‘ra, portlovchi modda avval ommaviy axborot vositalarida e’lon qilingandek konvertda emas, balki hujjatlar solinadigan kattaroq hajmdagi qog‘ozli paketda bo‘lgan. Pogorelsevga shaxsan yo‘llangan ushbu pochta manzili keltirilmagani va odatda diplomatlarga yuboriladigan pochtaga o‘xshamagani uchun kotibda shubha uyg‘otgan. Kotib pochtani komendantga, ya’ni elchixonani qo‘riqlash uchun mas’ul bo‘lgan ukrainalik zobitga topshirgan.

Foto: Ukrainaning Madriddagi elchixonasi

Foto: Ukrainaning Madriddagi elchixonasi

“Qog‘oz ‘posilka’ ichida quti bor edi, shuning uchun komendant shubhalanib qoldi. Uni ochish uchun hovliga chiqdi. Komendant ‘pochta’ ichidagi ovozni eshitib, uni zudlik bilan uloqtirdi. Shunda portlash ovozi eshitildi. Elchixona komendanti qutini uloqtirganiga qaramay, portlash oqibatida uning qo‘li jarohatlangan. U kontuziyaga o‘xshash zarba olganini aytdi”, — deydi elchi.

Pogorelsevning qayd etishicha, bu kuchli portlovchi qurilma emas, biroq ehtiyotkorlik bo‘lmaganida oqibatlari boshqacha bo‘lardi.

“Avvalo elchixona xodimlarining professional harakatlari bo‘lmaganida oqibat ancha og‘irroq bo‘lardi”, — deydi u.

Diplomat xavfli pochtani kim yuborishi mumkinligini taxmin qilmagan, biroq Ispaniya rasmiylari tergov uchun barcha harakatlarni amalga oshirishga va’da bergan. Ispaniya tashqi ishlar vaziri Xose Manuel Albares holat yuzasidan Ukraina elchisi bilan telefon orqali suhbatlashib, uni qo‘llab-quvvatlashini bildirgan.

Eslatib o‘tamiz, 30-noyabr kuni Ukrainaning Madriddagi elchixonasida portlash yuz berdi. Portlashdan so‘ng Ukraina tashqi ishlar vaziri Dmitriy Kuleba Ukrainaning barcha elchixonalarida zudlik bilan xavfsizlik choralarini kuchaytirishga ko‘rsatma berdi. Hozirda politsiya elchixona joylashgan hududni o‘rab olgan. Voqea joyida sapyor va politsiyalar ishlamoqda.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Mahalliy
O‘zbekistonda dollar kursi yana oshdi