Давлат статистика қўмитасининг ЮНИСЕФ билан ҳамкорликда ўтказган Мультииндикатор кластер кузатувлари натижаларига кўра, уй хўжаликларининг 81 фоизида 17 ёшгача, 42 фоизида 5 ёшгача бўлган камида бир нафар бола истиқомат қилади.
Шунингдек, 17 ёшгача бўлган болаларнинг 79 фоизи оилада ота-онаси билан, 16 фоизи фақат онаси билан, 2 фоизи эса фақат отаси билан бирга яшайди. Болаларнинг 3 фоизи биологик ота-оналари билан бирга яшамайди.
Аввалроқ қўмита болалар саломатлиги бўйича маълумотларни эълон қилганди. Унга кўра, 5 ёшгача бўлган 7 фоиз болаларнинг бўйи эса ўсишдан ортда қолган. Бу кўрсаткич 2006 йилги кузатув натижаларига (14,6 фоиз) нисбатан 2 баробарга пасайган.
Ортиқча вазн 5 ёшгача болаларнинг 5 фоизида (ўғил болалар 5 фоиз, қиз болалар 4 фоиз) кузатилмоқда. 2006 йилда ўтказилган МИКС кузатувида бу кўрсаткич 7 фоизни ташкил этган.
Изоҳ (0)