Ижтимоий тармоқларда мактаб ўқувчиларининг ўзаро жанжаллашаётгани акс этган видео тарқалди. Ҳолат юзасидан Тошкент шаҳри Ички ишлар бош бошқармаси расмий муносабат билдирди.
Аниқланишича, 24 ноябрь куни тахминан соат 16:50 да Миробод тумани «Парвона» маҳалласида 125-сонли умумий ўрта таълим мактабининг 9 ва 10-синф ўқувчилари футбол ўйнаётган вақтида ўзаро уришиб кетган. Уларнинг жанжали шу атрофда бўлган фуқаролар томонидан тўхтатилган. Оғир тан жароҳати олганлар йўқ.
Ҳозирда мазкур ҳолат юзасидан Миробод тумани ИИО ФМБ томонидан терговга қадар текширув ўтказилмоқда. Натижаси бўйича қонуний қарор қабул қилиниши таъминланади.
Мавзуга доир:
Изоҳ (0)