«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 8-сони мавзуси «Маҳаллада ким нимага жавоб беради?» бўлиб, дастур меҳмони сифатида блогер, ҳуқуқшунос Зафарбек Солижонов таклиф этилди.
Зафарбек Солижонов суҳбат давомида маҳалла институтининг аҳамияти, сайланаётган раислар ва уларнинг вазифаларига тўхталди.
Ҳозир маҳалла институтида мени энг хурсанд қилаётган ҳолат — бугунги кунда кўпроқ айнан маҳалла фуқаролари ёқтирадиган одам раис бўляпти. Қайсидир ташкилот, давлат органи хоҳлаган инсон эмас, айни шу маҳаллани биладиган, халқни бой қиладиган, савдо, иқтисодиёт, тадбиркорликда тажрибага эга бўлган одамлар раисликка қўйиляпти.Унинг таъкидлашича, ҳозирда маҳалла институтига давлат томонидан ҳам, инсонлар томонидан ҳам қўйилаётган талаблар шунчалик кучайиб кетганки, бу ишга фақат ойликни деб келганлар ўзлари қочиб кетяпти. Чунки маҳалла оқсоқолига ҳам, унинг котибига ҳам, маслаҳатчиларга ҳам талаб кўп.Тан олиш керак, олдин ички ишлар ёки бошқа ҳуқуқни муҳофаза қилувчи органларда ишлаб, пенсияга чиққан одамларни қўйишган. Чунки уларда ўз сўзини ўтказиш, бошқариш, айтганини қилдириш, ҳокимият ёки бошқа тизимларнинг фикрини тўғридан-тўғри ижро қилдириш каби хусусиятлар бўлган, — дейди меҳмон.
Қонуний жиҳатдан қарасак, агар биз тўлиқ назорат қиладиган бўлсак, қонунни тўлиқ ижро этадиган бўлсак, бу институт фақатгина фуқароларнинг фойдасига хизмат қилади. Чунки номидан ҳам маълум — ўзини ўзи бошқариш, — дейди Зафарбек Солижонов.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)