«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 8-сони мавзуси «Маҳаллада ким нимага жавоб беради?» бўлиб, дастур меҳмони сифатида блогер, ҳуқуқшунос Зафарбек Солижонов таклиф этилди.
Дастур меҳмони маҳалла оқсоқолларини сайлаш жараёнига оид қонунчилик ҳужжатларига камчиликлар борлигини айтди. Хусусан, нормадаги айрим қисмлар ҳокимларга ричаг бўлиб қолмоқда.
Қонунчиликнинг ўзида ҳам маълум бир нозик жиҳатлар бор. Шу сабаб маҳалла оқсоқолини сайлаш жараёнида турли салбий оқибатлар келиб чиқяпти. Мисол учун, маҳалла оқсоқолини сайлашда номзод кўрсатиш деган жараён бор. Ўша жараёнда ҳоким билан келишиш деган қисми бор.Унинг таъкидлашича, маҳаллага қўшимча мажбурият юклашдан аввал қонунчиликдаги шу камчиликларни бартараф этиб олиш керак.Ҳокимларга ҳам юқоридан, администрациядан турли топшириқлар келади, баражиши керак у ҳам. Лекин айрим ҳокимлар мана шу ҳолатда маҳалла институти, оқсоқолларнинг мажбурий меҳнатидан фойдаланади.
Яна бир муаммо, маҳаллада шунақа одамлар бор — диплом олмаган, олий маълумотли эмас, лекин маҳаллани бошқаролади, тадбирларда фаоллигини кўрсатади, даврага отилиб чиқиб, локоматив вазифасини ўтай олади. Қонунчиликда шунақа қисм борки, қоида тариқасида олий маълумотли бўлиш сўралган. У ҳам ҳокимга боғлиқ, ҳокимга яна битта ричаг, — дейди Зафарбек Солижонов.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)